ہونے کا حق ادا کرتے ہوئے  اس کے ہر حکم پر لبیک کہہ کر اس کی بجاآوری کرنی چاہیے ، مثلاً اللہ  پاک نے ہمیں نمازپڑھنے کا حکم دیا ہے تو ہمیں نماز کا  وقت ہوتے ہی  سب کام کاج چھوڑ کرنمازپڑھنی چاہیے ، اللہ پاک نےہمیں رَمَضانُ المبارک کے روزے رکھنے کا حکم فرمایاہے تو ہمیں پابندی کے ساتھ پورےرمضانُ المبارَک کے روزے رکھنے چاہئیں ، اللہ پاک نے ہمیں  اپنے اہل و عیال (Family) اور دیگر مسلمانوں کے حقوق  کا خیال رکھنے کا حکم دیا تو  ہمیں بندوں کے حُقُوق کاخیال  بھی رکھنا ہوگا ، اللہ  پاک نے والدین کے ساتھ بھلائی کا حکم ارشاد فرمایا ہے تو ہمیں اپنے ماں باپ سے حُسنِ سُلُوک سے پیش آنا چاہیے ۔ اسی طرح اللہ  پاک نے ہمیں مال ودولت عطا فرمائی اور اس کی  زکوٰۃ ادا کرنے کا حکم ارشاد فرمایا تو ہمیں خوش دِلی کے ساتھ ہر سال اپنے مال کی زکوٰۃ بھی دینی چاہیے ۔

                             یہاں ایک بات یہ بھی ذہن نشین کر لیجئے ، عوامی طورپریہ مشہورہے کہ زکوٰۃ توصرف ماہِ رمضان میں ہی اداکرنی چاہیئے ، کیونکہ اس ماہِ مبارک میں  جس طرح دِیگر نیکیوں کاثواب بڑھ جاتا ہے ، اِسی طرح راہِ خدا میں مال خرچ کرنے کا اجر و ثواب بھی بڑھ جاتا ہے ، اس میں کوئی شک نہیں ، مگر اے عاشقانِ رمضان!یہ ضروری نہیں کہ صِرف ماہِ رمضان میں ہی زکوٰۃ دینی ہوتی ہے ، بلکہ جس پرزکوٰۃ فرض ہے اس کو معلوم ہونا چاہئے کہ مجھ پر زکوٰۃ فرض ہونے کی کونسی اسلامی  تاریخ اور کونسا اسلامی مہینا ہے ، اگراِس کے بارے میں علم نہیں ہے تو یادرکھئے!جس پر زکوٰۃ فرض ہے ، اس کوزکوٰۃ سے متعلق ضروری مسائل سیکھنا بھی فرض ہے ، اگرنہیں سیکھے گا تو گناہ گارہوگا۔ کہیں ایسانہ ہو کہ  زِیادہ ثواب لینے کے اِنتظار میں  ہم زکوٰۃ کی ادائیگی میں تاخیر کرکے اللہ پاک ا ور رسول   صَلَّی اللّٰہُ عَلَیْہِ واٰلِہٖ وَسَلَّمَ  کی نافرمانی کررہے ہوں۔ اَلْحَمْدُ لِلّٰہ   دعوتِ اسلامی قدم قدم پر ہماری رہنمائی کرتی ہے ، ہمارے اندرعلمِ دِین سیکھنے کا جذبہ ہونا چاہئے ، سچی لگن ہونی چاہیے ، موجودہ دَورمیں علمِ دِین حاصل کرنے کے کئی ذرائع دعوِت اسلامی کے دینی ماحول کی برکت سے بہت آسانی