Book Name:Qaroon Ki Halakat
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد
پیارے پیارے اسلامی بھائیو! آئیے!اللہ پاک کی رضا پانے اور ثواب کمانے کے لئے اچھی اچھی نیتیں کر لیتے ہیں۔ فرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِـيَّةُ الْمُؤمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔ ([1])
اہم نکتہ : نیک اورجائز کام میں جتنی اچھی نیتیں زیادہ ، اُتنا ثواب بھی زیادہ۔
* نگاہیں نیچی کئے توجہ سے بیان سُنوں گا۔ * عِلْمِ دین کی تعظیم کے لیے جب تک ہو سکا دو زانو بیٹھوں گا۔ * صَلُّوْا عَلَی الْحَبِیْبِ ، اُذْکُرُوا اللّٰـہ ، تُوبُوْا اِلَی اللّٰـہ وغیرہ سُن کر ثواب کمانے کےلئے بلند آواز سے جواب دوں گا۔ * اجتماع کے بعد خود آگے بڑھ کر سلام و مُصافحہ اور انفرادی کوشش کروں گا ۔
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد
پیارے پیارے اسلامی بھائیو!ہمارے آج کے بیان کا موضوع ہے “ قارون کی ہلاکت۔ “ جس میں ہم قارون کا انجام ، زکوٰۃ نہ دینے کی وعیدیں ، کنجوسی کا انجام ، زکوٰۃ کو زکوٰۃ کہنے کی وجہ ، زکوٰۃ نہ دینے کے نقصانات اور بہت سے معلوماتی نکات سُننے کی سعادت حاصل کریں گے۔ اللہ کرے ہمیں سارا بیان توجہ اور اچھی اچھی نیتوں کے ساتھ سُننے کی سعادت حاصل ہوجائے۔ آمین
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد