نہیں دیتی۔ ہم نہیں جانتے کہ کیا معاملہ ہے؟اللہ پاک ہمیں حُسنِ ظن کی لازوال دولت سے مالا مال فرمائے۔

اٰمِیْنْ بِجَاہِ النَّبِیِّ الْکَرِیْم صَلَّی اللّٰہُ عَلَیْہِ وَاٰلِہٖ وَسَلَّم 

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

                             حدیث پاک میں ہے : خشکی وتری میں جو مال ضائع ہوا ہے وہ زکوٰۃ نہ دینے کی وجہ سے تلف ہوا ہے۔ (مجمع الزوائد ، کتاب الزکوٰة ، باب فرض الزکوٰ ة ، حدیث : ۴۳۳۵ ، ۳ / ۲۰۰)ایک مقام پر پیارے آقا  صَلَّی اللّٰہُ عَلَیْہِ واٰلِہٖ وَسَلَّمَ  کا ارشادِ پاک ہے : زکوٰۃ کامال جس میں مِلا ہوگا اسے تباہ وبرباد کردےگا۔ (شعب الایمان ، باب فی الزکوٰۃ ، حدیث۳۵۲۲ ، ۳ / ۲۷۳)

                             حکیمُ الاُمَّت حضرت مفتی احمدیارخان  رَحْمَۃُ اللّٰہ ِعَلَیْہ   فرماتے ہیں : مال میں زکوٰۃ مخلوط(Mix) ہونے کی دو صورتیں ہیں : ایک یہ کہ صاحبِ نصاب جس پر خود زکوٰۃ فرض ہو ، وہ فقیر بن کر لوگوں سے زکوٰۃ لے اور اپنے مال میں مِلا کر بڑھائے۔ دوسرے یہ کہ آدمی زکوٰۃ نہ نکالے جو مال زکوٰۃ میں نکلنا چا ہیےتھا وہ اپنے مال ہی میں رکھے۔ (مال ہلاک ہونے کی ایک صورت بیان فرماتے ہیں) کہ زکوٰۃ کے مخلوط ہونے کی وجہ سے سارے مال کی برکت مِٹ جائے اور کچھ دنوں میں مال ختم ہوجائے یا کوئی ناگہانی آفت آپڑے ، جس سے سارا مال برباد ہوجائے ، جیسے بیماری ، مقدمہ ، چوری ، ڈکیتی یا حرق و غرق یعنی جلنا ڈُوبنا۔

 (مرآۃ المناجیح ۳ / ۲۳)

زکوٰۃ نہ دینے سے اجتماعی نقصان ہوتاہے

                             زکوٰۃ نہ دینے والوں کو اجتماعی نقصان کا سامنا ہوسکتا ہے ، آج ہم غور کریں تو اجتماعی طور پر کئی  مسائل کاشکار ہیں ، مہنگائی ہے کہ دن بدن بڑھتی جارہی ہے ، بے روزگاری عام ہوچکی ہے ، گرمی کی شدّت بھی عروج پر ہے ، پانی کی قلّت کے سبب  سخت پریشانی  کا سامنا  ہے ، ہم جن مسائل کا شکارہیں ممکن  ہے کہ اس کی ایک وجہ مسلمانوں  کا  زکوٰۃ ادانہ  کرنا بھی ہوجیساکہ