اس واقعہ کو تیس(30) سال گزر چکے تھے۔ ^([1]) حضورکے دادا حضرت عَبْدُ الْـمُطَّلِب رَضِیَ اللہُ عَنْہُ نے دوبارہ خواب دیکھا ، کوئی کہنے والا کہہ رہا تھا : اے عَبْدُ الْـمُطَّلِب ! بیٹا قربان کر کے اپنی مَنَّت پوری کیجئے...!! حضرت عَبْدُ الْـمُطَّلِب رَضِیَ اللہُ عَنْہُ بیدار ہوئے ، تمام بیٹوں کو جمع کر کے انہیں معاملے سے خبردار کیا ، ^([2]) سب نے ادب سے کہا : اپنی مَنَّت پوری کیجئے! ہم میں سے جسے چاہیں آپ قربان کر سکتے ہیں۔ ^([3])

والدِ مصطفیٰ حضرت عبداللہ رَضِیَ اللہُ عَنْہُ نے سب سے پہلے اطاعت کی اور خود کو قربانی کے لئے پیش کیا ، ^([4]) حضرت عَبْدُ الْـمُطَّلِب رَضِیَ اللہُ عَنْہُ نے سب کے ناموں کولکھ کر کعبہ شریف کے خادِم کو دے کر اسے قرعہ ڈالنے کا فرمایا اور خود دُعا میں مَصْرُوف ہوئے ، عَرْض کی : الٰہی! میں نے ایک بیٹا قربان کرنے کی مَنَّت مانی تھی ، تُو جسے پسند فرمائے ، اس کا نام نکال دے۔ ^([5])

والدِ مصطفیٰ حضرت عبداللہ رَضِیَ اللہُ عَنْہُجو سب بھائیوں میں چھوٹے اور حضرت عَبْدُ الْـمُطَّلِب رَضِیَ اللہُ عَنْہُ کو زیادہ پیارے تھے ، قرعہ ان کے نام نکلا۔ حضرت عَبْدُ الْـمُطَّلِب رَضِیَ اللہُ عَنْہُ اپنے رب سے کیا وعدہ نبھانے کے لئے پُرجوش تھے ، “ مَحبَّتِ الٰہی “ سے سرشار ہو کر ایک ہاتھ میں حضرت عبداللہ رَضِیَ اللہُ عَنْہُ کا بازو ، دوسرے میں