ساتھ ساتھ اعلیٰ اَوْصاف وکردار اور باطنی کمالات سے بھی خوب نوازا تھا ، عقل مندی ودانائی کے سبب آپ کو “ حَکِیْمَہ “ کہہ کر پُکارا جاتا تھا۔ ^([1])

 “ آمنہ “ نام کی وضاحت

حکیم الاُمّت ، مُفسّرِ قرآن مفتی احمد یار خان نعیمی رَحْمَۃُ اللہِ عَلَیْہ فرماتے ہیں : آمنہ کا معنی ہے : ایمان والی بی بی یا امان والی بی بی یا امانت والی بی بی رَضِیَ اللہُ عَنْہَا۔ مزید فرماتے ہیں : “ آمنہ “ میں چار۴ حرف ہیں : (۱) : الف ، (۲): میم ، ﴿۳﴾ : نون اور ﴿۴﴾ : ہا۔ الف سے “ اللہ “ کی طرف اشارہ ہے ، “ میم “ سے محمد صَلَّی اللہُ عَلَیْہِ وَاٰلِہٖ وَسَلَّم کی جانِب ، “ نون “ سے نور کی طرف اور “ ہا “ سے ہدایت کی جانِب۔    

تم سے ایمان و امانت اور امن

تم سے فیضاں ، تم سے عرفاں آمنہ

آمنہ کے تین معنیٰ بالیقیں

با امانت ، امن و ایماں آمنہ

تم سے اللہ و محمد ہیں عیاں

نور    و ہُدیٰ    تم   میں   پِنْہاں   آمنہ^([2])

صَلُّوا عَلَی الْحَبیب!                                                                 صَلَّی اللّٰہُ عَلٰی مُحَمَّد

زمانہ جاہلیت میں بھی پردے کا اہتمام