اِنَّمَا یَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَ الْیَوْمِ الْاٰخِرِ وَ اَقَامَ الصَّلٰوةَ وَ اٰتَى الزَّكٰوةَ وَ لَمْ یَخْشَ اِلَّا اللّٰهَ فَعَسٰۤى اُولٰٓىٕكَ اَنْ یَّكُوْنُوْا مِنَ الْمُهْتَدِیْنَ(۱۸) (پ۱۰ ، التوبہ : ۱۸)                                                                       

تَرْجَمَۂ کنز الایمان : اللہ کی مسجدیں وہی آباد کرتے ہیں جو اللہ اور قیامت پر ایمان لاتے اور نماز قائم رکھتے  اور زکوٰۃ دیتے ہیں اور اللہ کے سوا کسی سے نہیں ڈرتے تو قریب ہے کہ یہ لوگ ہدایت والوں میں ہوں۔

آئیے!مسجد سے محبت کرنے اور مسجد میں آنے جانے کے فضائل کے بارے میں دو فرامینِ مصطفےٰ سنتے ہیں :

1۔   ارشاد فرمایا : جب کوئی بندہ ذکرو نَماز کے لئے مسجد کو ٹھکانا بنالیتاہے تو اللہ پاک اس سے ایسے خوش ہوتا ہے جیسے لوگ اپنے گمشدہ شخص کی اپنے ہاں آمد پر خوش ہوتے ہیں۔ ^([1])

2۔   ارشادفرمایا : جو مسجد سے محبت کرتا ہےاللہپاک اسے اپنا محبوب بنا لیتا ہے۔ ^([2])

اَمِیرِ اہلسنّت ، حضرت ِ علّامہ مولانا ابو بلا ل محمدالیاس عطّار قادِریدَامَتْ بَرَکَاتُہُمُ الْعَالِیَہ کتنی پیاری دعا کرتے ہیں :

طالبِ مغفرت ہوں یااللہ                         بخش حیدر کا واسطہ یاربّ!

کاش! عادت فضول باتوں کی                        دُور ہو از پئے رضا یاربّ!

واسطہ میرے پیر و مرشد کا                         مجھ کو تُو متقی بنا یاربّ!