حیدر آباد(سندھ)کے علاقے پھُلیلی پار کے مقیم اسلامی بھائی یوں تو بچپن ہی سے دامَنِ عطّار سے وَابَسْتہ تھے مگر شیطان مردُود نے دُنیا کے پُر فَریب نظاروں میں بُری طرح اُلجھا رکھا تھا۔زندگی کے قیمتی ماہ و سال غَفْلَت میں بسر ہو رہے تھے کہ خوش قسمتی سے ایک بار کسی مُبَلِّغِ دَعْوَتِ اِسْلَامی سے مُلاقات ہوگئی،جنہوں نے ان سے پوچھا:کیا آپ اَمِیْرِ اَہلِسُنّت دَامَتْ بَرَکَاتُہُمُ الْعَالِیَہ کے بیانات سُنتے ہیں؟جواب دیا:نہیں۔اس پروہ کہنے لگے کہ اَمِیْرِ اَہلِسُنّت دَامَتْ بَرَکَاتُہُمُ الْعَالِیَہ فرماتے ہیں:جو روزانہ ایک بیان سنتا ہے میں اس سے خوش ہوتا ہوں۔ان اَلْفَاظ نے ان کے دل میں چُھپی اپنے مرشدِ کریم سے مَـحَبَّت کو جگادیا۔چنانچِہ انہوں نے مَکْتَبَةُ الْـمَدِیْنَه سے جاری کردہ 50 مَدَنی مذاکروں پر مُشْتَمِل وی سی ڈی(VCD)خرید لی اور روزانہ ایک مَدَنی مُذاکرہ سننے کی سَعَادَت پانے لگے۔اَمِیْرِ اَہلِسُنّت دَامَتْ بَرَکَاتُہُمُ الْعَالِیَہکی پُر تاثیر گفتگو کی بَرَکَت سے دن بدن گناہوں سے نَفْرَت اور نیکیوں سے مَـحَبَّت بڑھنے لگی ،ابھی چند ہی مَدَنی مُذاکرے سنُے تھے کہ ان کے کردار اور اَندازِ زِنْدَگی میں تبدیلی آنے لگی۔انہیں نہ صرف سُنّتوں پر عَمَل کا جذبہ ملا بلکہ اَلْحَمْدُلِلّٰہوہ مَدَنی کاموں میں بھی دلچسپی لینے لگے۔اَلْغَرَضْ مَدَنی مذاکروں کے ذریعےان کی ایسی مَدَنی تَرْبِیَت ہوئی جو 26 سالہ زندگی میں کبھی نہ ہوئی تھی۔

اے بیمارِ عِصیاں تُو آجا یہاں پر                                      گُناہوں کی دیگا دَوا مَدَنی ماحول

گنہگارو آؤ، سِیَہ کارو آؤ                                                  گُناہوں کو دیگا چُھڑا مَدَنی ماحول

پِلا کر مَئے عشق دیگا بَنا یہ                                                 تمہیں عاشِقِ مُصْطَفٰے مَدَنی ماحول

(وسائلِ بخشش مرمم،ص۶۴۸)

صَلُّو ْا عَلَی الْحَبِیْب!                                          صَلَّی اللہُ عَلٰی مُحَمَّد