ڪيو وڃي۔ حضرت سيدُنا ابو عبدالله رازي رَحْمَةُ اللّٰهِ عَلَيۡه بيان ڪن ٿا ته حضرت سيدُنا سُفيان بن عُيينَه رَحْمَةُ اللّٰهِ عَلَيۡه مون کي فرمايائون: ابوعبدالله! نعمت تي شڪرِخداوندي اهو آهي ته تون ان جي حمد (ساراھ) ڪرين ۽ ان نعمت کان نيڪي تي مدد حاصل ڪرين۔ جنهن نعمتِ الٰهي کان گُناھ تي مدد ورتي ان الله پاڪ جو ان جي نعمت تي شڪر ادا نه ڪيو۔ (حليۃالاولياء وطبقات الاصفياء، ۷/۳۲۸) جڏهن ته جسماني عضوئن جو شڪر ڪيئن ادا ٿيندو آهي، اچو ٻڌون ٿا:

جسماني عضوئن جو شڪر ڇا آهي؟

هڪ شخص حضرت سيدُنا ابُو حازِم رَحْمَةُ اللّٰهِ عَلَيۡه کي عرض ڪيائين: اي ابُو حازم! اکين جو شڪر ڇا آهي؟“ ارشاد فرمايائون: ”انهن جي ذريعي ڪا چڱي ڳالھ ڏسو ته ان کي عام ڪيو ۽ جيڪڏهن بُري ڳالھ ڏسو ته ان کي لڪايو۔

افسوس! اسان جو هڪ تعداد آهي جن جون اکيون چڱا ڪم ۽ چڱيون ڳالهيون ڏسڻ کان گھڻيون پري رهنديون آهن جڏهن ته برا ڪم بريون ڳالهيون ڏسڻ جي جستجو ۾ رهنديون آهن۔

عرض ڪيائين: ”ڪنن جو شڪر ڇا آهي؟“ پاڻ ارشاد فرمايائون: ”جيڪڏهن انهن جي ذريعي چڱي ڳالھ ٻڌو ته ان کي ياد ڪيو ۽ جيڪڏهن بُري ڳالھ ٻڌو ته پوشيده رکو۔“

افسوس! اسان جو هڪ تعداد آهي جن جا ڪن علمِ دين، نيڪي جي دعوت ۽ وعظ و نصيحت تي مشتمل سٺيون ڳالهيون ٻڌڻ جا موقعا ملڻ کان به فائدو نٿا کڻن، جڏهن ته بريون ڳالهيون ٻڌڻ جي تلاش ۾ رهندا آهن ۽ جڏهن ٻڌي ورتيون ته ٻه چار کي ٻڌائڻ بنا چين سان ناهن رهندا۔

عرض ڪيائين: هٿن جو شڪر ڇا آهي؟“ پاڻ ارشاد فرمايائون: ”انهن سان اهڙي شيء (مثال حرام مال وغيره) حاصل نه ڪيو جيڪا تنهنجي لاءِ جائز ناهي ۽ ان ۾ جيڪو الله پاڪ جو حق آهي (جيئن ته واجب صدقا وغيره) ان کي نه