کے ساتھ مل کر جھوٹی بولی نہ لگاؤ،ایک دوسرے سے بغض نہ کرو،ایک دوسرے سے رُوگردانی نہ کرو،کسی کے سودے پر سودا نہ کرو اور اے اللہ کے بندو!بھائی بھائی بن جاؤ، مسلمان مسلمان کا بھائی ہے ،اس پر نہ ظلم کرے، نہ ا س کو رُسوا کرے ،نہ حقیر جانے۔ پھر آپ صَلَّی اللّٰہُ عَلَیْہِ واٰلِہٖ وَسَلَّمَ نے اپنے سینے کی طرف اشارہ کر کے 3 بار فرمایا:تقویٰ یہاں  ہے اور کسی شخص کی بُرائی کے لئے یہ کافی ہے کہ وہ اپنے مسلمان بھائی کو بُرا جانے،ایک مسلمان دوسرے مسلمان پرحرام ہے ،اس کا خون،اس کا مال اور ا س کی عزّت۔        (مسلم، کتاب البر والصلۃ والآداب، باب تحریم ظلم المسلم۔۔۔ الخ، ص۱۰۶۴، حدیث: ۶۵۴۱)

دے حُسنِ اَخلاق کی دَولت                                کر دے عَطا اِخْلاص کی نِعْمت

مجھ کو خزانہ دے تقوٰی کا                                   یااللہ مِری جھولی بھر دے

بَخْش دے میری ساری خَطائیں                           کھول دے مجھ پر اپنی عَطائیں

  بَرسا دے رَحْمت کی بَرکھا                                                              یااللہ مِری جھولی بھر دے

(وسائل بخشش مرمم، ص۱۲۳)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

       پىارے پىارے اسلامى بھائىو!غور کیجئے! ٭ہمارے پیارے آقا،مکی مدنی مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ ہمیں کیسی پیاری تعلیم دے رہے ہیں۔ ٭ہمیشہ سچ بولنے والےہمارے پیارے آقا صَلَّی اللّٰہُ عَلَیْہِ واٰلِہٖ وَسَلَّمَ ہمیں کتنی اچھی باتیں سکھا رہے ہیں۔٭ہمارے پیارے آقا صَلَّی اللّٰہُ عَلَیْہِ واٰلِہٖ وَسَلَّمَ ہمیں ترغیب دے رہے ہیں کہ ایک دوسرے سے حسد نہ کرو! ٭ہمارے پیارے آقا صَلَّی اللّٰہُ عَلَیْہِ واٰلِہٖ وَسَلَّمَ نصیحت(Advice) فرما رہے ہیں کہ گاہک کو دھوکہ نہ دو! ٭ہمارے پیارے آقا صَلَّی اللّٰہُ عَلَیْہِ واٰلِہٖ