کَفَّارے میں آپ رَحْمَۃُ اللّٰہ ِ  عَلَیْہ نے ایک سال کے روزے رکھے۔(منہاج العابدین ،الباب  الثالث،الفصل الثالث،ص۶۵)

اَمیرِ اہلسُنّت  دَامَتْ بَرَکَاتُہُمُ الْعَالِیَہ اور وقْت کی قَدر

پیارے پیارے اسلامی بھائیو!آپ نے  سنا کہ ہمارے بُزرگانِ دِین رَحْمَۃُ اللّٰہ ِ  عَلَیْہِمْ اَجْمَعِیْن کا وَقْت کس قدر احتیاط والے انداز میں گُزرتا تھا،اگر اُن کا کوئی دوست صرف اِس لئے آتا کہ تھوڑا دل بہل جائےاور کچھ ٹائم پاس ہوجائے تو یہ حضرات اُسے وَقْت کی اَہَمِیَّت پر  مَدَنی پھول عطافرماتے اور وَقْت کی بَربادی کے نُقصانات بتا کراُس کی اِصلاح فرماتے۔آج کے اِس نازک دورمیں شَیْخِ طریقت،اَمیرِ اَہلسُنّت دَامَتْ بَـرَکاتُہُمُ الْعَالِیَہ بُزرگانِ دِین رَحْمَۃُ اللّٰہ ِ  عَلَیْہِمْ اَجْمَعِیْن  کی یادتازہ کرنے والی  وہ عظیم ہستی ہیں جن کا ہر عمل ہمارے لئے لائقِ عمل ہے،آپ دَامَتْ بَـرَکاتُہُمُ الْعَالِیَہ نے اپنے وَقْت کو ایک بہترین انداز میں تقسیم کیاہوا ہے،چنانچہ نَماز،اَوْرَاد و وَظائف،مدنی مُذاکرے،مُطَالَعَہ،نفل روزے،نَوافِل کی ادائیگی،مَدَنی مشورے،سَحَری و اِفطار،اپنے مریدوں،طالب ہونے والوں اورعُلَما وعوام سے مُلاقات،مَریضوں کی عِیادت،مرحومین کے رشتے داروں سے تعزیت،مدنی کاموں کی ترقی پرذمہ دارانِ دعوتِ اسلامی کی حوصلہ افزائی کے مدنی پھول،اَہلِ خانہ کی ضرورت،اپنی اولاد کی مَدَنی تربیت کے ساتھ ساتھ نواسوں، نواسیوں،پوتوں اورپوتیوں کی مَدَنی تَرْبِیَت،تَحریری کام،آرام اور زِنْدَگی کے بے شمُار مَعمولات کو مُختلِف اَوقات میں تقسیم کرکے اِسْتِقَامَت سے اس پرعمل وَقْت کی قَدْر  کرنے کا مُنہ بولتا ثُبوت ہے۔ آپ دَامَتْ بَـرَکاتُہُمُ الْعَالِیَہ کی دِینی و تنظیمی کامیابیوں کی بہترین مثال دنیا بھر میں عاشقانِ رسول کی مَدَنی تحریکدعوتِ اسلامی  کا  مَدَنی پیغام کم و بیش105 شعبہ جات کے قِیام کے ساتھ ساتھ”کفریہ