مقصد کو سمجھے کی توفیق نصیب فرمائے۔آمین

صَلُّوْا عَلَی الْحَبِیْبِ!                                             صَلَّی اللّٰہُ تَعَالٰی عَلٰی مُحَمَّد

پیارے پیارے اسلامی بھائیو!یقیناً یہ زندگی چند روزہ ہے، اگر ہم   اس  کو بے مقصد کاموں میں ضائع کرنے کے بجائے ہر کام کو اس کے وَقْت میں کریں گے ، گُناہوں سے بچتے ہوئے  نیکیوں میں گُزاریں گےتو ہماری دنیا بھی  اچھی ہوگی اور آخرت بھی بہتر ہوجائےگی ۔ہمارے بزرگانِ دین رَحْمَۃُ اللّٰہ ِ  عَلَیْہِمْ اَجْمَعِیْن وَقْت کے بڑے قدردان  ثابت ہوئے تو آج تک اُن کے چرچے عوام و خَواص کی زبانوں پر جاری ہیں،مثلاً صَحابَۂ کِرام،اَہْلِ بَیْتِ اَطہار،تابِعین،تَبْعِ تابِعین رِضْوَانُ اللّٰہ عَلَیْہِمْ اَجْمَعِیْن،اَوْلِیائے کامِلین، مُحَدَِّثین،مُفَسِّرِین،عُلَمائے دین اور صُوفِیائے کِرام رَحْمَۃُ اللّٰہ ِ  عَلَیْہِمْ اَجْمَعِیْن وغیرہ وہ عظیم ہستیاں ہیں کہ جن کا ذِکْرِ خَیْر کرنا ہم اپنے لئے باعثِ سعادت سمجھتے ہیں اور اِن  کا نام آتے ہی  مُنہ سے  اچانکرَضِیَ اللہُ   عَنْہُاوررَحْمَۃُ اللّٰہ ِ  عَلَیْہجاری ہوجاتا ہے،کیوں؟اِس لئے کہ وه  حضرات وَقْت کی قدر واہمیت سے اچھی طرح واقف تھے۔آئیے! وَقْت کےان  قَدردانوں کے5اِرْشادات سُن كر نصیحت کے  مَدَنی پھول چُنتے ہیں، چُنانچہ

وَقْت کے قَدْر دانوں کے ارشادات

(1) اَمِیْرُالْمُؤمِنِینحضرت مولائے کائنات،علیُّ المُرتَضٰی،شیرِخدا رَضِیَ اللہُ عَنْہُ فرماتے ہیں:یہ دن تمہاری زندگی کے صَفَحات ہیں،ان کو اچّھے اَعمال سے زِینت بخشو۔

(2) مشہور صحابیِ رسول حضرت سیِّدُنا عبدُاﷲ ابنِ مسعود رَضِیَ اللہُ عَنْہُ فرماتے ہیں:میں اپنی زندگی کے گُزرے ہوئے اس دن کے مقابلے میں کسی چیز پر شرمندہ نہیں ہوتا جودن میرا نیک اعمال میں اضافے