ایسی خُوش نصیب اسلامی بہنیں ہوں گی  جوبیان کا کیسٹ سُن کر مَدَنی ماحول سے وابَستہ ہوئی  ہوں  گی ۔ لہٰذاسنتوں بھرے بیانات و مدنی مذاکرات کے میموری کارڈزلوگوں تک پہنچانا دِین کی عظیم خِدمت اور بے اِنْتہا ثواب کا باعِث ہے تو جس سے بن پڑے ہفتہ میں ورنہ مہینے میں کم از کم12میموری کارڈز ضرور فروخت کرے۔مُخَیَّر اسلامی بہنیں اگر مُفْت تقسیم کریں تو مدینہ مدینہ۔شادیوں کے مواقِع پرشادی کارڈکے ساتھ مَدَنی رِسالہ اور ہوسکے تو مذکورہ میموری کارڈ بھی شامل کیجئے۔

            ذِمّے دار اسلامی بہنیں گھروں میں(بغیر مائک)اِجتماعات فرمائیں رَبِیْعُ الاوّل شریف کے دوران ہونے والے تمام اِجتماعات میں جن اسلامی بہنوں سے ہوسکے وہ سارامہینا مدنی پرچم ساتھ لایا کریں۔

            گیارہ(11)کی شام کو ورنہ12ویں شَب کو غُسْل کیجئے۔ہوسکے تو اِس عِیْدوں کی عِیْد کی تَعْظِیم کی نِیَّت سے اسلامی بہنیں  اپنی ضَرورت کی جو جو اَشیاء ممکن ہوں وہ نئی لیں

آئی  نئی  حکومت  سِکّہ  نیا  چلے  گا                        عالَم نے رنگ بدلا صُبْحِ شبِ وِلادت

(ذوقِ نعت،ص۶۷)

صَلُّوْا عَلَی الْحَبِیْب!                                                      صَلَّی اللّٰہُ تَعَالٰی عَلٰی مُحَمَّد

تعزیت کے مدنی پھول

میٹھی میٹھی ا سلامی بہنو!بیان کواِخْتِتام کی طرف لاتے ہوئےتعزیت کرنے کے چند مدنی پھول سنتی ہیں۔پہلے2فرامینِ مصطفےصَلَّی اللہُ عَلَیْہِ وَاٰلِہٖ وَسَلَّمملاحظہ کیجئے:(1)جوکسی مصیبت زدہ سے تعزیت کرےگااس کےلئےاس مصیبت زدہ جتناثواب ہے۔( ترمذی، کتاب الجنائز ،باب ماجاء فی اجر من عزی مصابا، رقم:۱۰۷۵،۲/ ۳۳۸)(2)جوبندۂ مومن اپنےکسی مصیبت زدہ بھائی کی تعزیت کرےگا، اللہ پاک قیامت