اورنَنّھے نَنّھے قُمقُموں کوچُومتاہواجُھومتاہواشہد سے بھی میٹھا مکّی مَدَنی سلام

اَلسَّلامُ عَلَیْکُمْ وَرَحْمَۃُ اﷲِ وَبَرَکاتُہ                                                                                                                                اَلْحَمْدُ لِلّٰہِ رَبِّ الْعٰلَمِیْنَ عَلٰی کُلِ حَال۔

تُم بھی  کرکے  اُن کا  چرچا  اپنے  دِل  چمکاؤ                   اُونچے میں اُونچا نبی کا جھنڈا گھر گھر میں لہراؤ

رَبِیْعُ الاوّل اُمّیدوں کی دُنْیا ساتھ لے آیا                  دُعاؤں کی قَبولیَّت کو ہاتھوں ہاتھ لے آیا

            اسلامی بہن کا بے پردَگی کرنا حرام ہے۔ براہِ کرم!رَبِیْعُ الاوّل کی بَرَکت سے اسلامی بہنیں مُستَقِل شَرعی پَردہ اور زَہے قسمت! مَدَنی بُرقع پہننے، شرعی پردہ کرنے کی نِیَّت کریں۔

جُھک گیا کعبہ سَبھی بُت مُنہ کے بَل اَوندھے گِرے                دَبدبہ    آمد    کا   تھا ،   اَھْلاً   وَّ   سَھْلاً     مرحبا

(وسائلِ بخشش مُرمّم،ص ۱۴۷(

            سُنَّتو ں اور نیکیوں پر اِسْتِقامت پانے کا عظیم مَدَنی نُسخہ یہ ہے کہ تمام عاشقانِ رسول اسلامی بہنیں روزانہ فکرِ مدینہ کرتے ہوئے مَدَ نی اِنْعامات  کے رِسالے پُر کرکے ہر اسلامی ماہ کی پہلی تاریخ کو  جَمع کروانے کی نِیَّت کر یں،اگر نیّت بنتی ہو توہاتھ اُٹھا کر کہئے:اِنْ شَآ ءاللّٰہ عَزَّوَجَلَّ (یاد رکھئے اگر دل میں نیّت نہ ہونے کے باوجود جان بوجھ کر دکھا وے کیلئے ہاتھ اٹھانا گناہ ہے۔)

بدلیاں رَحمت کی چھائیں بُوندیاں رَحمت کی آئیں                اب  مُرادیں  دل کی پائِیں آمدِ شاہِ  عَرَب ہے

(قبالہ بخشش، ص۱۸۴)

            اسلامی بہنیں ایک ماہ تک روزانہ گھر کے اندر (صِرف گھرکی اسلامی بہنوں اورمَحْرَموں میں)مَدَنی دَرْس جاری کریں اور پھر آئندہ بھی روزانہ جاری رکھنے کی نِیَّت فرمائیں۔

سعادت ملے درسِ فیضانِ سُنّت                     کی روزانہ دو مرتبہ یاالہٰی!