(وسائلِ بخشش مُرمّم،ص۱۰۳)

            ضَروری اِحْتِیاط:اگرجھنڈے پر نَقشِ نَعلِ پاک یا کوئی لکھائی ہو تو اِس بات کا خیال رکھئے کہ نہ وہ لِیرے لِیرے ہو، نہ ہی زمین پر تشریف لائے نیز جُوں ہی  رَبِیْعُ الاوّل شریف کا مہینا تشریف لے جائے فوراً اُتارلیجئے۔اگراحتِیاط نہیں ہوپاتی اور بے ادَبی ہوجاتی ہے تو سادہ مَدَنی پرچم لہرایئے۔(سگ ِمدینہ عُفِیَ عَنْہ بھی اپنے مکانِ بے نشان پر سادہ مَدَنی پرچم لگواتا ہے۔)

نبی   کا   جھنڈا   لیکر  نکلو   دُنیا   پر  چھا   جاؤ                       نبی کا جھنڈا اَمْن کا جَھنڈا گھر گھر میں لہراؤ

            اپنے گھر پر 12 جھا لَروں (یعنی لَڑیوں)یا کم اَزْکم 12بلبوں سے 12دن تک خُوب چَراغاں کیجئے۔(یادرکھئے! بجلی کی چوری کرنا حرام ہے، لہٰذا بجلی فَراہَم کرنے والے اِدارے سے رابِطہ کر کے جائز ذرائِع کی ترکیب بنایئے)

مَشرق ومَغرب میں اک اک! بامِ کعبہ پر بھی ایک                    نَصب پرچم ہوگیا ، اَھْلاً وَّ سَھْلاً مرحبا

                                                                                                            (وسائلِ بخشش مُرمّم،ص۱۴۶)

            اسلامی بہنیں حَسْبِ تَوفیق زِیادہ ورنہ 112یاکم اَزْ کم 12 روپے کے مکتبۃُ المدینہ کے رسائل اور مَدَنی پُھولوں کے مُختلف پمفلٹ تقسیم کروائیں۔ شادی غَمی کی تَقاریب میں اورمرحوموں کے ایصالِ ثواب کی خاطِر بھی  تقسیمِ رسائل کی ترکیب کیجئے اوردیگر اسلامی بہنوں کو اِس کی ترغیب دیجئے۔

بانٹ کر  مَدَنی  رسائل  دِین کو پھیلائیے                         کرکے راضی حق کو حقدارِ جِناں بن جائیے

            مکتبۃ المدینہ کا تحریر کردہ پمفلٹ ’’جَشنِ وِلادَت کے12مَدَنی  پُھول‘‘ممکن ہو تو 112ورنہ کم اَزْ کم 12 عدد نیز ہوسکے تو رسالہ صُبحِ بہاراں12عدد مکتبۃُ المدینہ سے ہَدِیّۃً حاصل کرکے تقسیم کیجئے۔ اَلْحَمْدُ لِلّٰہ عَزَّ  وَجَلَّ سُنَّتوں بھرے بیان کا کیسٹ سُن کر کئی لوگوں کی اِصلاح ہونے کی خبریں ہیں،آپ میں بھی کچھ نہ کچھ