جھڑ گئے پھر فرمایا:اے سَلْمَان !کیاتم مجھ سے نہیں پوچھو گے کہ میں نے یہ عمل کیوں کیا ؟میں نے عرض کی:آپ نے ایسا کیوں کیا ؟ارشاد فرمایا:بیشک جب مسلمان اچھی طرح وُضو کرتاہے اورپانچ نَمازیں ادا کرتاہے تو اس کے گناہ اس طرح جھڑتے ہیں جس طرح یہ پتّے جھڑجاتے ہیں۔پھر آپ صَلَّی اللہُ عَلَیْہِ وَاٰلِہٖ وَسَلَّم نے(پارہ12 سورہ ہود کی)یہ آیت مبارَکہ پڑھی:

وَ اَقِمِ الصَّلٰوةَ طَرَفَیِ النَّهَارِ وَ زُلَفًا مِّنَ الَّیْلِؕ-اِنَّ الْحَسَنٰتِ یُذْهِبْنَ السَّیِّاٰتِؕ-ذٰلِكَ ذِكْرٰى لِلذّٰكِرِیْنَۚ(۱۱۴) (پ ۱۲ ھُود ۱۱۴)                                                                                                                                                                                                                                                                                                           

تَرْجَمَۂ کنز الایمان:اور نماز قائم رکھو دن کےدونوں کناروں اورکچھ رات کےحصوں میں بے شک نیکیاں برائیوں کو مٹا دیتی ہیں یہ نصیحت ہے نصیحت ماننے والوں کو۔(مُسند امام احمد،۹/ ۱۷۸،حدیث:۲۳۷۶۸)

(2)کانوں میں انگلیاں ڈال دیں

حضرت سیِّدُنا نافِع رَضِیَ اللّٰہُ عَنْہُ فرماتے ہیں:میں بچپن میں حضرتِ سیِّدُنا عبداﷲ ابنِ عمر رَضِیَ اللّٰہُ عَنْہُماکے ساتھ کہیں جارہا تھا کہ راستے میں مِزْمار(یعنی باجہ)بجانے کی آواز آنے لگی،ابن عمر رَضِیَ اللّٰہُ عَنْہُما نے اپنے کانوں(Ears)میں اُنگلیاں ڈال دیں اورراستے سے دوسری طرف ہٹ گئے اور دُورجانے کے بعد پوچھا:نافِع!آواز آرہی ہے ؟میں نے عرض کی،اب نہیں آرہی۔تو کانوں سے انگلیاں نکالیں اورارشاد فرمایا:ایک بار میں سرکارِ مدینہ منوَّرہ،سردارِ مکَّہ مکرَّمہ صَلَّی اللّٰہُ عَلَیْہِ واٰلِہٖ وَسَلَّمَ کے ساتھ کہیں جارہا تھا،سرکارِ ابدِ قرار،شفیعِ روزِ شمار صَلَّی اللّٰہُ عَلَیْہِ واٰلِہٖ وَسَلَّمَنے اسی طرح کیا جو میں نے کیا۔(ابوداود، کتاب الادب ،باب کراھۃ الغناء ۔۔الخ،۴/ ۳۶۷،حدیث: ۴۹۲۴ )