سلسلہ شروع ہوجاتاہےاور پھر گناہوں میں مگن رہتے ہوئے غفلت کی نیند سوجاتے ہیں۔

      میٹھے میٹھے اسلامی بھائیو!ذرا غور کیجئے ! ہم کس طرح اپنی زندگی کے قیمتی لمحات کو  اللہ پاک کی نافرمانی  اور فضولیات میں بربادکر رہے ہیں حالانکہ حدیثِ پاک میں  مومن کو ہر وقت نیکیاں کرنےاور نیکیوں کی حرص رکھنے کاحکم دیا گیا ہے  جیساکہ نبیِ کریم ، رؤفٌ رَّحیم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا:اِحْرِصْ عَلٰی مَایَنْفَعُکَ وَاسْتَعِنْ بِاللّٰہِ وَلَاتَعْجَزْ ، یعنی اس پرحرص کرو جو تمہیں نفع دے اوراللہ  سےمدد مانگو عاجز نہ  ہو۔(مسلم،کتاب القدر،باب فی الامر بالقوۃ…الخ،حدیث:۲۶۶۴،ص۱۰۹۸)

       حضرت علامہ شرفُ الدِّین نَوَوِیرَحْمَۃُ اللّٰہ ِتَعَالٰی عَلَیْہاس حدیث ِپاک  کےتحت  فرماتےہیں:اللہ پاک کی عبادت میں خوب حِرص کرواوراس پراِنعام کالالچ رکھومگراِس عبادت میں بھی اپنی کوشش پر بھروساکرنےکےبجائےاللہ پاک سےمددمانگو۔(شرح نووی،جزء ۱۶،۸/۲۱۵،ملخصاً)

کچھ نیکیاں کمالے جلد آخِرت بنالے                                   کوئی نہیں بھروسا اے بھائی! زندَگی کا

(وسائلِ بخشش مرمم،ص۱۷۸)

صَلُّوْا عَلَی الْحَبیب!                                   صَلَّی اللّٰہُ تَعَالٰی عَلٰی مُحَمَّد

مال آزمائش ہے                

       میٹھے میٹھے اسلامی بھائیو! یادرکھئے!بسااوقات زیادہ مال بھی بندے کیلئےآزمائش بن جاتا ہے  مگر پھر بھی اس کے حصول کیلئے کتنی ہی تکلیفیں (Difficulties)اٹھانی پڑیں،اس کی پروا نہیں کی جاتی   اور لوگ ہروقْت دنیا کی دولت کمانے کی دُھن میں مصروف رہتے  ہیں اور دن رات اسی  جذبے  کےتحت  نئی نئی ترکیبیں   سوچتے رہتےہیں کہ کن کن طریقوں   سےزیادہ  مال  حاصل  کیا جاسکتا ہے اگرچہ