تکلیف پر صبرکرنےوالوں کےلئے اللہپاک کے محبوبصَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےاپنی شفاعت کی بشارت عطافرمائی ہے ،چنانچہ

مدینۂ طیبہ کی تکالیف پر صبر کی فضیلت

       رسولِ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےفرمایا:جوشخص ارادۃً میری زیارت کو آیاوہ قِیامت کے دن میری حفاظت میں رہےگااورجوشخص مدینے میں رِہائش اختیارکرےگا اور مدینےکی تکالیف پر صبرکرےگا تو میں قِیامت کےدن اُس کی گواہی دوں گااور اُس کی شَفاعت کروں گااورجوشخص حَرمَین(یعنی مکے،مدینے)میں سے کسی ایک میں مرے گااللہ پاک  اُس کو اِس حال میں قبر سےاٹھائے گاکہ وہ قِیامت کےخوف سےامن میں رہے گا۔(مشکاۃالمصابیح،۱/۵۱۲،حدیث  ۲۷۵۵)

موت عطارؔ کو مدینے میں                                                                                                                                                                                 آئے اب تو نہ جائے گھر آقا

(وسائل بخشش مرمم،ص۱۷۳)

صَلُّوْا عَلَی الْحَبیب!                                    صَلَّی اللّٰہُ تَعَالٰی عَلٰی مُحَمَّد

      میٹھی میٹھی اسلامی بہنو!یقیناً عاشقانِ رسول کے لئے راہِ مدینہ کا ہر کانٹا بھی پھول کی طرح ہے لہٰذا  سفرِ مدینہ کے دوران اگر کوئی پریشانی آجائے،کوئی تنگ کرے،دھکہ دے ،خلافِ مزاج بات کہہ  دے یا اچانک کوئی زمینی یا آسمانی آفت آجائے تو اس موقع پر بے صبری کرنا،آہ و بکا کرنا،الجھنا،بدلہ لینااور شکوے شکایات کرنا بہت بڑی محرومی کا سبب بن سکتا ہے۔یوں ہی جتنا عرصہ مدینہ پاک کی فضاؤں میں گزرے تو کوشش کیجئے کہ ادب و تعظیم کا دامن ہاتھوں سے چھوٹنے نہ پائے۔اَلْحَمْدُ لِلّٰہ عَزَّ  وَجَلَّ اللہ والے مدینہ پاک کا بہت زیادہ ادب واحترام بجالاتے ہیں۔آئیے!ایک زبردست عاشقِرسول بزرگ کی  مدینے سے محبت اور ادب کے بارے میں2 دلنشین واقعات سنئے، چنانچہ