Book Name:Miraaj kay Waqiaat
حضرت سَيِّدُنا اَنَس بِن مالِڪ رَضِىَ اللهُ تَعَالٰی عَـنْهُ کان روايت آهي ته پياري آقا، شبِ اسرٰي جي سردار صَلَّى اللهُ تَعَالٰى عَلَيْهِ وَاٰلِهٖ وَسَلَّم جن فرمايو: مون وٽ بُرَاق (جنهن جو نالو جارُود هو) آندو ويو، جيڪو گڏھ کان وڏو ۽ خچر کان ننڍو، انتهائي سفيد رنگ جو ڊگھي قد وارو جانور هو، ان جو قدم نظر جي انتهاء تي پوندو هو، مان ان (بُراق) تي سُواري ڪندي بَيتُ المَقدَس تائين پهتس جنهن هنڌ نبي سڳورا عَلَيهمُ الصَّلٰوة وَالسَّلَام پنهنجي سُوارين کي ٻڌي رکيو هو، مون ان کي اتي ٻڌي ڇڏيو پوءِ مان مسجدِ (اَقصٰي) ۾ داخِل ٿيس ۽ ان ۾ ٻه رڪعت نماز ادا ڪئي۔
(مسلم ،ڪتاب الايمان ، باب الاسراء برسول الله …الخ ،ص۹۷،حديث۲۵۹)
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد
هن نماز ۾ پاڻ ڪريم صَلَّى اللهُ تَعَالٰى عَلَيْهِ وَاٰلِهٖ وَسَلَّمَتمام اَنبياءِ ڪرام عَلَيهمُ الصَّلٰوة وَالسَّلَام جا اِمام هئا۔ (سیرۃ سید الانبیاء،ص۱۲۸) (ڇوته) پياري آقا صَلَّى اللهُ تَعَالٰى عَلَيْهِ وَاٰلِهٖ وَسَلَّمَ جي عظيم شان جي اِظهار جي لاءِ بَيتُ المَقدَس ۾ تمام اَنبياءِ ڪرَام عَلَيهمُ الصَّلٰوة وَالسَّلَام کي گڏ ڪيو ويو هو۔ (سنن النسائى، كتاب الصلاة، باب فرض الصلاة...الخ، ص۸۱، حديث:۴۴۸) جڏهن پاڻ سڳورا صَلَّى اللهُ تَعَالٰى عَلَيْهِ وَاٰلِهٖ وَسَلَّمَ هتي تَشرِيف فرما ٿيا ته انهن سڀني پاڻ ڪريمن صَلَّى اللهُ تَعَالٰى عَلَيْهِ وَاٰلِهٖ وَسَلَّمَ کي ڏسي خُوش آمديد چيو ۽ نماز جي وقت سڀني پاڻ ڪريمن صَلَّى اللهُ تَعَالٰى عَلَيْهِ وَاٰلِهٖ وَسَلَّمَ کي اِمامَت جي لاءِ اڳتي ڪيو، پوءِ حضرتِ جِبرائيل عَلَيه السَّلَام هٿ مُبَارَڪ پڪڙي اڳتي ڪري ڇڏيو ۽ پاڻ ڪريم صَلَّى اللهُ تَعَالٰى عَلَيْهِ وَاٰلِهٖ وَسَلَّمَ تمام انبياءِ ڪرَام عَلَيهمُ الصَّلٰوة وَالسَّلَام جي اِمامَت فرمائي۔ (المعجم الاوسط ،من اسمه على،۳/۶۵،حديث:۳۸۷۹والسيرة الحلبية،باب ذكر الاسراء...الخ،۱/۵۲۵)
حضرتِ سيدُنا عَلّامه بُوصيري رَحْمَةُُ الله تَعَالٰى عَلَيه فرمائن ٿا:
وَقَدَّمَتْک جَمِيعُ الْاَنْبِياءِ بِها
وَالرُّسُلِ تَقْدِيمَ مَخْدُوْمٍ عَلٰي خَدَمٖ
(قصيدة البردة مع شرحها عصيدة الشهدة، الفصل العاشر فى معراج...الخ، ص۲۴۰)