مولانا مُفتي نَقي علي خان رَحْمَةُ اللهِ تَعَالٰی عَلَيْه ارشاد فرمائن ٿا: صدقو ڏيڻ ۾ ننڍي شيء کي به حقير نه سمجهو، جيتوڻيڪ وڌيڪ جي استطاعت به هجي، هٿ پهچندو آهي (يعني انسان صدقو ڏيڻ جو اِرادو ڪندو آهي) پر شيطان روڪيندو آهي، نفس وچ ۾ ايندو آهي، هڪ شيطان ڇا ستّر (70) شيطان صَدَقي کان پري رکندا آهن۔ حديثِ شريف ۾ ارشاد آهي: انسان پنهنجو صدقو ستّر(70) شيطانن جي ڄاڙي چيري ڪڍندو آهي۔ (مجمع الزوائد، کتاب الزکاۃ، باب ارغام الشیطان بالصدقۃ، ۳/۲۸۲، حدیث: ۴۶۰۱) ته اهڙي حالت ۾ ٿورو ئي ڏي ۽ ان کي حقير سمجھي بلڪل لَا تَعَلُّق نه ٿئي، ڇوته ٿورڙي شيءِ سان به محتاج جي ضرورت ڪنهن حد تائين پوري ٿيندي ۽ بُخل جي پاڙ دل تي ڄمڻ ۾ ڪجھ ته گھٽتائي ٿيندي۔ ( فضائلِ دُعا،ص۲۷۶بتغیرقلیل)

صَلُّوْا عَلَي الْحَبِيب!                                                                                             صَلَّي اللّٰه تَعَالٰي عَلٰي مُحَمَّد

خيرات ڪرڻ جو هڪ آسان طريقو:

پياريون پياريون اسلامي ڀينرون! شيطاني مڪروفريب کان بچندي صدقو ۽ خيرات جي عادت بڻائڻ جي لاءِ روزانو هڪ رقم مُقرَر (Fix) ڪري وٺو، مثال طور روزانو 10 روپيا راھ خدا ۾ خرچ ڪرڻا آهن، جيڪڏهن ڪنهن ڏينهن مجبوري يا وسري وڃڻ جي صورت ۾ خرچ نه ڪري سگهيون سين ته ايندڙ ڏينهن هٿو هٿ 20 روپيا ڪڍي وٺو۔ جيڪڏهن صدقي جون فضيلتون لکي گھر ۾ ڪنهن اهڙي واضح هنڌ تي لڳايون وڃن جتي انهن جي ادب جو به خيال رکي سگھجي ۽ هلندي ڦرندي نگاھ پوڻ جي صورت ۾ به صدقي جي ترغيب ملندي رهندي۔

مجلس مدني عطيات بڪس !

اَلْـحَمْـدُ لـِلّٰـه عَزَّوَجَلَّ هن طريقي تي عمل ڪرڻ جي لاءِ دعوتِ اسلامي جي  مجلس ”مدني عطيات بڪس“ متعارف ڪرايو آهي، هن مدني عطيات بڪس کي اسلامي ڀينرن جي جامعات، مدارس ۽ گهرن ۾ رکڻ جي ترڪيب ڪئي ويندي آهي، جن اسلامي ڀينرن جي گهرن ۾ اهي بڪس رکيا ويندا آهن، انهن کي گھرجي ته سٺين سٺين نيتن سان پاڻ به ڪجھ نه ڪجھ رقم بڪس ۾ وجھنديون رهن ٻين تي اِنفرادي ڪوشش ڪري انهن کي به راھ خدا ۾ مال خرچ ڪرڻ جي ترغيب ڏيارين اِنْ شَــآءَالـلّٰـه عَزَّوَجَلَّ دعوتِ اسلامي جي مدني ڪمن ۾ ترقي جي لاءِ اوهان جون اهي