عبادت میں گزرے مِری زِندگانی                 کرم ہو کرم یا خدا یا اِلٰہی

                                                                                                                                (وسائلِ بخشش ص 105)

     میٹھی میٹھی اسلامی بہنو! بیان کردہ حکایت سےجہاں یہ معلوم ہواکہ نیک لوگوں کے وسیلے  سےمانگی جانےوالی دُعائیں قبول ہوتی ہیں وہیں اسبچے کاذَوقِ نمازاورشَوقِ عِبادت   بھی معلوم ہوا کہ  اس نےاپنے کام کاج  چھوڑکرنماز کو ترجیح دی  اور اَذان  کی آواز سُنتے ہی نہ صرف  خود نماز کیلئے  مسجد میں چلاگیا بلکہ  اس شخص کو بھی  نماز کی دعوت دے کر  اپنے ساتھ  مسجد میں لے گیا ۔افسوس صد افسوس! جیسےجیسے ہم زمانَۂ رِسالت سےدُورہو تی جا رہی ہیں نمازوں کے معاملے میں ہماری سستیاں مُسلسل بڑھتی جارہی ہیں، آج  ہمارے کانوں میں بھی  اَذان کی آواز آتی ہے مگر  ہم  اپنے  کام کاج کی مصروفیات یا محض سُستی (Laziness) کی وجہ سے نماز ہی قضا کر ڈالتی  ہیں جبکہ گُناہ کرنے کیلئے  ہماری سُستی فوراً چُستی میں بدل جاتی ہے۔بعض  تو  ایسی بھی ہیں کہ جب اُن کی ایک یا چند نمازیں رہ جائیں تو کئی کئی  مہینوں تک جان بوجھ کرنماز نہیں پڑھتیں ،اگرکوئی اُن پرانفرادی کوشش کرتے ہوئے نمازوں کی ترغیب دِلائے  تو کہتی ہیں  ” اِنْ شَآءَ اللہ عَزَّوَجَلَّ اگلےجمعہ سے دُوبارہ نمازیں پڑھنا شُروع کروں گی  یا رَمضان سے باقاعدہ نمازوں  کااہتمام کروں گی “یوں کسی قِسم کی شرم و جِھجک کے بِغیر بڑی دلیری  کے ساتھ مَعَاذَ اللہ عَزَّ  وَجَلَّ اس بات کاگویا ا ِقرار کِیا جاتا ہے کہ نمازیں تَرک  کرنےکا یہ کبیرہ گُناہ ، میں جُمُعہ کے دن تک یا رمضانُ المبارک تک مُسلسل  جاری رکھوں گی ۔ شاید یہی وجہ ہے کہ آج گھروں میں  اتفاق نہیں، آئے دن لڑائی جھگڑے  معمول بن گئے ہیں، ہر ایک رِزق میں بے برکتی  کی وجہ سے پریشان ہے ،والدین نافرمان اولاد سے بیزار ہیں ۔  ذراغور کیجئے! ہمارے ساتھ ایساکیوں ہورہا ہے ؟ ہم  کیوں ان پریشانیوں کا شِکار ہو تی جا رہی ہیں ؟شاید اس کی وجہ یہ ہے کہ آج ہم نے اللہ پاک اور اس کے رسولِ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کےفرامین پر عمل کرنا چھوڑدیا ہے اوردن