غفلت اور  گناہوں بھری زندگی سے جان چھڑانے، نیکیوں کا پابند بننے ، قرآن وسنت کے مطابق زندگی گزارنےکاایک طریقہ بُزرگانِ دین کی سیرتِ مبارکہ کامطالعہ  کرنا اور ان کےسیرت و کردار کےمطابق عمل کرنا بھی ہے، کیونکہ ہمارےبُزرگان دین  ہر وقت عبادت ِ الٰہی اورفکرِآخرت میں   مصروف  رہتے ، ایسی ہی ایک ہستی جن کےعلم وعمل، کردار اورسیرتِ  مبارکہ کامطالعہ کرنے سے غفلت سےبچ کرفکرِآخرت نصیب ہوتی ہےوہ ہستی عالم ِ باعمل،صوفی باصفا،حجۃ الاسلام حضرت سیدناامام غزالیرَحْمَۃُ اللّٰہ ِتَعَالٰی عَلَیْہکی ذاتِ مبارکہ بھی ہےجن کاہرلمحہ یادِالٰہی اورفکرِآخرت میں بسرہوتاتھا،آپرَحْمَۃُ اللّٰہ ِتَعَالٰی عَلَیْہ نے اپنے علمی شوق اور قابلیت وصلاحیت سے ایسےایسے کارنامےاَنْجام دئیےکہ آپ کی تعلیمات سے آج بھی عَالَمِ اِسْلام  مُنورہورہا ہے،آپ کی مُبارک زِندگی  سے اُمّتِ مُسلِمہ کو اِطاعتِ خُداوَنْدی،سُنَّتوں کی پاسداری،زُہدو تَقْویٰ اوردیگربہت سی نیک خصلتیں اپنانےکا جذبہ ملتاہے،آئیے!حُصُولِ بَرکت اورنُزولِ رَحْمت کیلئےآپ کی مُبارَک زِنْدگی کےچندمُخْتَصَرگوشوں کےبارے میں سنتی ہیں ۔

نام ونَسب ،وِلادت اور  رحلت:                                                                                                                                                                                                                                                                                                                                                                                                                

          آپرَحْمَۃُ اللّٰہ ِتَعَالٰی عَلَیْہکی کُنیت ابُوحامِد،لَقَب حُجَّۃُ الْاِسْلَام(اسلام کی دلیل)اورنامِ نامی،اسمِ گرامی محمد بن محمدغزالی شافعی ہے،آپ۴۵۰ ؁ھ میں ایران کےضلع طُوْس کےعلاقےطابِران میں پیداہوئے۔(اتحا  ف  السادۃالمتقین،مقدمۃ الکتاب،۱/۹)اِبتدائی تعلیم اپنےشہرمیں حاصل کی، جہاں کُتبِ فقہ حضرت سیِّدُنااحمدراذ کانیرَحْمَۃُ اللّٰہ ِتَعَالٰی عَلَیْہ سےپڑھیں،20سال سےکم عمر میں مزیدحُصُولِ علم کیلئے(ایران کے مَشرقی شہر) جُرجان تشریف  لےگئے،473ہجری  میں(ایران کےقدیم شہر) نیشاپورمیں اِمامُ الْحَرَمَیْن امام عبدالملک جوینی رَحْمَۃُ اللّٰہ ِ تَعَالٰی عَلَیْہکی بارگاہ میں  حاضر ہوکر اُصولِ دین،مَنطق اورحکمت وغیرہ میں مکمل مہارت حاصل کی۔(اتحا  ف