اس پہ فِدا ہو بچہ بچہ                                            یا اللہ!مِری جھولی بھر دے۔

                                                                                                                                                 (وسائل ِ بخشش مُرمّم، ص۱۲۳)

صَلُّوْا عَلَی الْحَبِیْب!           صَلَّی اللّٰہُ تَعَالٰی عَلٰی مُحَمَّدٍ

        میٹھے میٹھے اسلامی بھائیو!ہم نے امیرالمومنین سَیِّدُنا فاروقِ اعظم رَضِیَ اللہُ تَعَالٰی عَنْہُ کی عاجزی والی پاکیزہ صفت کے بارے میں سُنااور ضمناً تکبُّرجیسی باطنی بیماری کا بھی ذکر آیا۔ یادرکھئے! تکبُّرایسی خطرناک باطنی بیماری ہے کہ اگرفوراً اس کا علاج نہ کیاجائے تو بڑھتے بڑھتے اس سے دیگر بہت سی بیماریاں جَنم لیتی ہیں۔لہٰذاجس طرح ہم جسمانی بیماریوں کا سُن کرنہ صرف پریشان ہوجاتے ہیں بلکہ ان کاعلاج  بھی شروع کردیتے ہیں اسی طرح یہاں بھی عقلمندی کا ثبوت دیتے ہوئے تکبُّر کا علم ہوجانے کے بعد اس کا علاجفوراً شروع کردینا چاہیے، کیونکہ جو اس بیماری میں مبُتلا ہوتا ہے وہ مسلمان کی دل آزاری، جُھوٹ،غیبت، چغلی،حسدوغیرہ  مُہلک(یعنی ہلاک کردینے والی)بیماریوں کا شکارہوسکتاہے۔آئیے!تکبُّر کی آفت سے پیچھا چُھڑانے اور عاجزی اَپنانے کے چند طریقے سُنتے ہیں۔

(1)مدنی ماحول اپنالیجئے

       میٹھے میٹھے اسلامی بھائیو!عاجزی وانکساری اور دیگر نیک خصلتیں اپنانے کیلئے دعوتِ اسلامی کے مدنی ماحول سے وابستہ ہوجائیے۔اَلْحَمْدُ لِلّٰہ عَزَّ  وَجَلَّ!اس مدنی ماحول نے لاکھوں مسلمانوں بالخصوص نوجوانوں کی زندگیوں میں مَدَنی انقِلاب برپا کردیا، کئی بگڑے ہوئے نوجوان توبہ کر کے راہِ راست پر آگئے، ماں باپ سے نازیبا رَوِیّہ اختیار کرنے والے باادب ہوگئے، کُفر کے اندھیروں میں بھٹکنے والوں کو نُورِ اسلام نصیب ہوا، یورپی ممالک کی رنگینیوں کو دیکھنے کے خواہش مندکعبَۃُ الْمُشَرَّفَہ  وگنبدِخَضرٰی کی زیارت کے لئے بیقرار رہنے لگے، دنیا کے بے جا غموں میں گھُلنے والے فکرِ آخِرت کی مَدَنی سوچ کے