بَیان سُننے کی نیّتیں:

نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرَک کر دوسرے کے لیے جگہ کُشادہ کروں گا ٭دھکّا وغیرہ لگا تو صَبْر کروں گا، گُھورنے،جِھڑکنے اوراُلجھنے سے بچوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دِل جُوئی کے لئے بُلند آواز سے جواب دوں گا ٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشِش کروں گا ۔

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!قرآنِ کریم ا ُس رَبِِّ عظیم عَزَّوَجَلَّ کابے مِثل کلام ہے جواکیلا مَعبُود، تنہا خالِق اور ساری کائنات کا حقیقی مالک ہے، دُنیا و آخرت کی ہر بھلائی حقیقی طور پر اسی کے دَسْتِ قدرت میں ہے ،اس نے اپنا یہ کلام رسولوں کے سردار،دوعالَم کے مالک ومختارصَلَّی اللہُ تَعَالٰی عَلَیْہِ وَاٰلِہ وَسَلَّمَ پر نازل فرمایا تاکہ اس کے ذریعے آپ صَلَّی اللہُ تَعَالٰی عَلَیْہِ وَاٰلِہ وَسَلَّمَ لوگوں کواللہتَعالیٰ پر ایمان لانے اور دینِ حق کی پیروی کرنے کی طرف بُلائیں اور یہ وہ مُقدس وبابرکت کلام ہے  کہ جس کو دیکھنا، پڑھنا، سننا اورچُھونا سب عبادت کے کام ہیں، ہمارے بزرگانِ دینرَحْمَۃُ اللہِ تَعَالٰی عَلَیْہم اَجْمَعِیْن نہایت عقیدت ومَحَبَّت  کے ساتھ کثرت سےاللہ عَزَّ  وَجَلَّ کے اس پاک کلام کی تلاوت فرما کراس کی رحمتوں  اور برکتوں سے  اپنے دامن بھر لیا کرتے تھے۔آیئے اسی حوالے سے ایک ایمان افروز واقعہ  سنتے ہیں ،چنانچہ  

قرآنِ کریم کا شیدائی!

حضرت سَیِّدُنامحمدبن اسماعىل بخارىرَحْمَۃُ اللہِ تَعَالٰی عَلَیْہکے بارے میں آتا ہے کہ کثیرمصروفىات کے باوجُود آپ کى عبادت کا ذوق و شوق قابلِ تقلىد تھا ،آپ  رَحْمَۃُ اللّٰہ ِتَعَالٰی عَلَیْہ کو تلاوتِ قرآن کے ساتھ عشق کى حد تک لگاؤ تھا، رَمَضان المبارک کى راتوں مىں دورانِ  تراوىح دس(10) پارے نوافل مىں پڑھتے