الحدیث: ۲۰۰۷ و۲۰۰۹)ایک اورحدیثِ پاک میں ہے کہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا میری اُمَّت کی افضل عِبادت تلاوتِ قُرآن ہے۔(شعب الایمان للبیھقی،ج۲،ص۳۵۴،ح۲۰۲۲)

میٹھے میٹھے اسلامی  بھائیو!اَلْحَمْدُ لِلّٰہ عَزَّ  وَجَلَّشیخِ طریقت،امیرِ اَہلسُنَّت دَامَتْ بَرَکَاتُہُمُ الْعَالِیَہ نےہمیں روزانہ تلاوتِ قرآن کو اپنا معمول بنانے اور اس کی مَحَبَّت دل میں بڑھانے کے لئے  ایک مدنی اِنعام بھی عطافرمایا ہے کہ’’ کیا آج آپ نے کَنْزُ الْاِیْمان سے کم اَزْ کم 3 آیات (مع ترجمہ وتفسیر )تلاوت کرنے یا سُننے کی سعادت حاصل کی؟‘‘لہٰذا ہمیں بھی اپنی یہ عادت بنانی  چاہیے کہ روزانہ کَنْزُ الْاِیْمان/ تفسیرخزائنُ العِرْفَان/نُوْرُالْعِرفان/صِراطُ الْجِنان سےمع  ترجمہ وتفسیر خُوب غور وفکر کے ساتھ قرآنِ پاک کی تلاوت کیا کریں اس طرح مدنی اِنْعام پرعمل کے ساتھ ساتھ تلاوت کی ڈھیروں بھلائیاں اور برکتیں بھی نصیب ہونگی اور عمل کا جذبہ بھی پیدا ہوگا۔ اِنْ شَآءَ اللہ عَزَّ  وَجَلَّ   

کنز الایمان اے خدا میں کاش روزانہ پڑھوں

پڑھ کے تفسیر اس کی پھر اس پر عمل کرتا رہوں

صَلُّوْا عَلَی الْحَبِیْب!           صَلَّی اللّٰہُ تَعَالٰی عَلٰی مُحَمَّد

تلاوت کا شوق رکھنےوالےلوگ :

میٹھے میٹھے اسلامی بھائیو!ہمارے بزرگانِ دین رَحْمَۃُ اللہِ تَعَالٰی عَلَیْہم کیسے ذوق وشوق  سے قرآنِ  کریم کی تلاوت کیا کرتے تھےآئیے اس ضمن میں  ان نیک ہستیوں کے ایمان افروز مزید واقعات سنتے ہیں،چنانچہ حضرت شیخ بہاءُ الدِّین زکریا ملتانی رَحْمَۃُ اللہِ تَعَالٰی عَلَیْہ کو  تلاوتِ قرآنِ کریم سے غیر معمولی شَغَف تھا چنانچہ ہر شب کو ایک قرآنِ پاک کی تلاوت فرمایا کرتے تھے۔(تذکرہ حضرت بہاء الدین زکریا ملتانی، ص۷۶ملخصا) ایک رات حضرت شیخ بہاءُالدِّین زَکریا ملتانی رَحْمَۃُ اللّٰہ ِتَعَالٰی عَلَیْہنے اپنے دوستوں سے ارشاد فرمایا:تم میں کوئى اىسا