اللہ عَزَّ  وَجَلَّ ہمیں ان ظاہری آداب کا خیال رکھتے ہوئے  روزانہ تلاوت کی سعادت نصیب فرمائے ۔ اٰمِین بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلِہٖ وَسَلَّم 

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

تلاوتِ قرآن کے باطنی آداب:

میٹھے میٹھے اسلامی  بھائیو!تلاوتِ قرآن کے  کچھ باطنی آداب بھی ہیں، آئیے ان میں سے بھی  چند آداب بھی سنتے ہیں :٭حُضورِقلب(دل کی توجہ ) کے ساتھ تلاوت کی جائے یعنی دل میں پیدا ہونے والے تمام خیالات کو ترک کر کے تلاوتِ قرآن کی جائے۔ (احیاالعلوم ،۱/ ۳۷۴) ٭ جس طرح ظاہری جِلدِ قرآن اور اس کے اَوْراق کا یہ ادب ہے کہ بغیر طہارت کے انہیں نہ  چُھوا جائے ،اسی طرح قرآنِ کریم کے باطنی انوار و تجلیات کا تقاضا ہے کہ دل بھی ہر طرح کی ناپاکی سے پاک  و صاف ہو تاکہ وہ تجلیات اس  دل میں سما سکیں۔(احیاء العلوم، ۱/۳۷۳،ماخوذاً)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

مجلس تَحَفُّظِ اَوراقِ  مُقَدَّسَہ

میٹھے میٹھے اسلامی بھائیو!یہاں یہ بات قابلِ توجہ ہے کہ جب  قرآن ِ پاک کی جلد  اور اس کے اوراق وغیرہ بوسیدہ یاشہید ہوجائیں تو ان کا تحفظ بھی ہماری ذمہ داری ہے ۔اَلْحَمْدُ لِلّٰہ عَزَّ  وَجَلَّ دعوتِ اسلامی کے103 شعبہ جات میں سے  ایک شعبہ مجلس تَحَفُّظِ اَوراقِ  مُقَدَّسَہ بھی ہے۔ اوراقِ مقدسہ کا تحفظ کرنے،ان کا تقدس پامال  نہ ہونے  اورانہیں بے ادبیوں سے بچانے کے مقدس جذبے کےتحت یہ شعبہ قائم کیا گیا ہے۔مختلف شعبہ ہائے زندگی سے تعلق رکھنے والے لوگوں(علماء،ائمہ، مسجد کمیٹیاں،تاجر، دُکاندار، وغیرہ) کے تعاون سے مختلف مقامات پراَوراقِ  مُقَدَّسَہ کے  تَحَفُّظ کے لیے بکس(Box) وغیرہ کی ترکیب کی جاتی ہے  اور مجلس کے دئیے ہوئے شرعی و تنظیمی اُصولوں کے مُطابق