پياري عادت کي اپنائيندي ڪنهن سان ڪيل واعدو ضرور نڀائڻ گھرجي. پر افسوس صد افسوس! جو اڄ اسان معاشري ۾ وعده خلافي عام ٿي رهي آهي ۽ ان کي مَعيُوب (بُرو) به نٿو سمجھيو وڃي، جڏهن ته واعدي خلافي ۽ عهد شڪني (واعدو ٽوڙڻ) حرام ۽ ڪبيره گناھ آهي، ڇو جو واعدو پورو ڪرڻ مسلمان تي شرعًا واجب ۽ لازم آهي. الله عَزَّوَجَلَّ قرآنِ ڪريم ۾ سيپاري 6 سُوۡرَۃُ المائدہ جي آيت نمبر 1 ۾ ارشاد فرمائي ٿو:

اهڙي طرح سيپاري 15 سُورۂ بَنی اِسْرَائِیْل جي آيت نمبر 34 ۾ ارشاد ٿئي ٿو:

حضرت عبدالله بن عمر رَضِیَ اللهُ تَعَالٰی عَنْهُمَا کان روايت آهي ته رَسُول الله
صَلَّى اللهُ تَعَالٰى عَلَيْهِ وَاٰلِهٖ وَسَلَّم جن فرمايو ته جيڪو مسلمان عهد شڪني ۽ واعده خلافي ڪري، ان تي الله عَزَّوَجَلَّ ۽ فرشتن ۽ تمام مخلوق جي لعنت آهي ۽ ان جو نه ڪو فرض قبول ٿيندو نه نفل.

(صحيح البخاري،ڪتاب الجزية والموادعة، باب اثم من عاھدثم غدر، الحديث۳۱۷۹، ج۲،ص۳۷۰)

هڪ ٻي حديثِ پاڪ ۾ آهي ته ماڻهو ان وقت تائين هلاڪ نه ٿيندا جيستائين جو اهي پنهنجي ماڻهن سان عهد شڪني نه ڪندا.

(سُنَنِ ابوداؤد،ج۴،ص۱۶۶،حديث۴۳۴۷)