سے شدید زخمی ہو گئے اور 21رَمَضان شریف اتوار کی رات جامِ شہادت نوش فرما گئے۔^([1])

اَصْلِ نَسْلِ صَفَا، وجہِ وَصْلِ خُدا

بابِ      فَضْلِ     وِلایت   پہ   لاکھوں    سلام^([2])

وضاحت:حضرت علی المرتضیٰرَضِیَ اللہُ عنہپاک نسل( یعنی سیّد زادوں)کے جدِّ اعلیٰ ہیں ، واصِل باللہ( یعنی اللہ پاک کا مُقَرَّب ) بننے کا سبب  اور وِلایَت کے فضائل ملنے کا دروازہ ہیں ، آپرَضِیَ اللہُ عنہ پر لاکھوں سلام ہوں۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

شانِ مولیٰ علی رَضِیَ اللہُ عنہ

اے عاشقانِ رسول! آئیے!  مولیٰ علی شیرِ خُدا رَضِیَ اللہُ عنہ کی شان میں وہ اَحَادِیث جو مسلمانوں کی امّی جان حضرت عائشہ صِدِّیقہ رَضِیَ اللہُ عنہا   لوگوں کو سُنایا کرتی تھیں، وہ سُنتے ہیں، یُوں سیّدہ عائشہ رَضِیَ اللہُ عنہا   کا ذِکْرِ خیر بھی ہو جائے گا اور مولیٰ علی شیرِ خُدا رَضِیَ اللہُ عنہ کے ذِکْر کی برکتیں بھی نصیب ہو جائیں گی۔

پیارے آقا کی مَحُبوب شخصیت

ترمذی شریف میں ہے، حضرت عائشہ صِدِّیقہ رَضِیَ اللہُ عنہا سے پوچھا گیا: (اَہْلِ بیت میں) رسولُ اللہ صَلَّی اللہُ عَلَیْہِ وَ آلِہٖ وَ سَلَّم کو سب سے زیادہ مَحبوب (یعنی پیارا) کون تھا؟ فرمایا: خاتونِ جنّت سیّدہ فاطمہ رَضِیَ اللہُ عنہا ۔ پوچھا گیا: اور مَردوں میں سے کون؟ فرمایا: اُن کے شوہر (یعنی مولیٰ علی شیرِ خُدا رَضِیَ اللہُ عنہ)۔ مزید فرمایا: میری معلومات کے مُطابق اس کا سبب یہ ہے