بے وفا دنیا پہ مت کر اِعتبار                                                                               تُو اچانک موت کا ہوگا شکار

موت آکر ہی رہے گی یاد رکھ!                                                                     جان جا کر ہی رہے گی یاد رکھ!

گر جہاں   میں   سو برس تُوجی بھی لے                                            قبر میں   تنہا قِیامت تک رہے

موت آئی پہلواں   بھی چل دیئے                                                      خوبصورت نوجواں   بھی چل دیئے

دنیا  میں    رہ  جائے  گا  یہ  دبدبہ                                                                           زور تیرا خاک میں   مل جائے گا

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

مولیٰ علی رَضِیَ اللہُ عنہ کی نصیحت

حضرت بایزید بِسطامی رَحمۃُ اللہِ عَلَیْہ  بہت بڑے وَلیُّ اللہ ہیں، ایک مرتبہ آپ کا نصیب چمکا اور خواب میں مسلمانوں کے چوتھے خلیفہ، مولیٰ علی مشکل کُشا رَضِیَ اللہُ عنہ تشریف لے آئے، حضرت بایزید بِسطامی رَحمۃُ اللہِ عَلَیْہ  نے بااَدَب عرض کیا: اے اَمِیرَالْمُؤْمِنِین رَضِیَ اللہُ عنہ! مجھے فائدہ مند بات سکھائیے! آپ نے چند نصیحتیں کیں، پِھر فرمایا: سب سے بہترین نصیحت یہ ہے، اتنا کہہ کر آپ نے اپنی مٹھی کھولی، اس پر سونے کے پانی سے یہ شعر لکھا تھا:

‌كُنْتَ ‌مَيِّتًا ‌فَصِرْتَ حَيًّا                                                                                                                 وَعَنْ قَلِيلٍ تَکُونُ مَيِّتًا

فَابْنِِ بِدَارِ الْبَقَاءِ بَيْتًا                                                                                                       وَاْهْدِم بِدَارِ الْفَنَاءِ بَيْتًا

ترجمہ: تم پہلے کچھ نہیں تھے، پِھر زندہ ہوئے، عنقریب دوبارہ موت کے گھاٹ اُتر جاؤ گے، پس باقی رہنے والے جہان (یعنی آخرت) میں اپنا گھر بناؤ! دارِ فنا (یعنی دُنیا) کا گھر گِرا ڈالو! ^([1])

دل سے دنیا کی مَحبّت دور کرکے یاعلی !                       دیدو عشقِ مصطفےٰ مولیٰ علی مُشکل کُشا!