اشکبار آنکھیں عطا ہوں ، دِل کی سختی دُور ہو              دیجئے خوفِ خُدا مولیٰ علی مشکل کُشا!

بھیک لینے کے لئے دربار میں منگتا ترا                    لے کے کشکول آگیا مولیٰ علی مشکل کُشا!

کیوں پِھروں در در بھلا خیرات لینے کے لئے             میں     فقط     منگتا     تِرا     مولیٰ     علی     مشکل     کُشا! ^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

عائشہ! ان کی عزّت کرو!

حضرت مَعَاذَہ غَفَاریّہ رَضِیَ اللہُ عنہافرماتی ہیں: ایک دِن میں حضرت عائشہ صِدِّیقہ رَضِیَ اللہُ عنہا  سے ملنے گئی، میں نے دیکھا کہ حضرت مولیٰ علی رَضِیَ اللہُ عنہ اُن کے گھر سے باہَر تشریف لائے اور اپنے رستے چلے گئے، میں اندر گئی تو سرکارِ عالی وقار، مکی مَدَنی تاجدار صَلَّی اللہُ عَلَیْہِ وَ آلِہٖ وَ سَلَّم بھی گھر پر ہی تھے، آپ سیدہ عائشہ رَضِیَ اللہُ عنہا سے فرما رہے تھے: اے عائشہ! یہ (یعنی علیُّ المرتضیٰ رَضِیَ اللہُ عنہ) سب مَردوں میں مجھے پیارے  اور عزیز ہیں، اے عائشہ! میری رضا کے لئے اس کا حق پہچانو! اور اس کی عزّت کرو...!!  ^([2])

بیاں کس منہ سے ہو اس مَجْمَعُ الْبَحرَین کا رتبہ            جو مرکزہے شریعت کا،  طریقت کا ہے سر چشمہ

تعالَی اللہ تری شوکت تری صَولَت کا کیا کہنا         کہ خطبہ پڑھ رہا ہے آج تک خیبر کا ہر ذرّہ

مسلمانو! رسولُ اللہ کی الفت اگر چاہو                                      کرو اس کی غلامی جس کا ہر مومن ہوا بندہ^([3])

وضاحت:مولا علی شیرِ خدا رَضِیَ اللہُ عنہوہ ہستی ہیں کہ آپ میں شریعت اور طریقت کے دو سمندر جمع ہو گئے۔ آپ شریعت کا مرکز اور طریقت کا سرچشمہ ہیں۔ اللہ  اللہ! آج تک خیبر