Book Name:Mola Ali Aur Fikr e Akhirat
پیارے اسلامی بھائیو! کاش! ہمیں فِکْرِ آخرت نصیب ہو جائے۔ یقین مانیئے! دُنیا بہت بےوفا ہے۔مسلمانوں کے چوتھے خلیفہ حضرت علی المرتضیٰشیرِ خدا رَضِیَ اللہُ عنہ نے فرمایا: لوگو! آخرت آ رہی ہے، دُنیا جا رہی ہے۔اِن میں سے ہر ایک کے چاہنے والے ہیں۔ تم آخرت کے چاہنے والے بنو! دُنیا کے چاہنے والے مت بننا...!! بے شک آج عمل کا دِن ہے، آج حِساب نہیں مگر کل حِساب کا دِن ہو گا، وہاں عَمَل نہیں۔([1])
حِرْصِ دُنیا نکال دے دِل سے بس رہوں طالِبِ رِضا یارَبّ!
ہائے حُسْنِ عَمَل نہیں پلّے حشر میں میرا ہو گا کیا یارَبّ!
خوف دوزخ کا آہ! رحمت ہو خاکِ طیبہ کا واسطہ یارَبّ!
میرا نازک بدن جہنّم سے از طفیلِ رضا بچا یارَبّ!
دِل کا اُجْڑا چمن ہو پِھر آباد کوئی ایسی ہَوَا چلا یارَبّ!([2])
پیارے اسلامی بھائیو! یہ حقیقت ہے، کھلی حقیقت ہے، دُنیا جا رہی ہے اور آخرت آرہی ہے۔ وقت ہے جو رُک نہیں سکتا، سانس ہے جو لمحہ بہ لمحہ ہمیں مَوت کے قریب کر رہی ہے، آہ! عنقریب...!! جلد اور بہت جلد مَلکُ الْمَوت(موت کے فرشتے)حضرت عزرائیل عَلَیْہ ِالسَّلام تشریف لائیں گے، سانس اَٹکے گی، جان تَڑپے گی، آخری ہچکی آئے گی اور رُوح بدن سے جُدا ہو جائے گی، پِھر یہ دُنیا ایک اَدُھورے خواب کی طرح ہو کر رہ جائے گی، یہاں کا پیسا، یہاں کی دولت، یہاں کا آرام، یہاں کے میڈل، یہاں کے منصب، یہاں کی عزّت، نام، شہرت