٭کاش! حج کرنے والے ”حاجی“ کہلانے کی نیت سے نہیں بلکہ رِضائے الٰہی کے لیے حاجی بنیں۔

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

       شیخِ طریقت،امیرِ اہلسنّت، بانیِ دعوتِ اِسْلامی حضرت علامہ مولانا ابو بلال محمد الیاس عطّار قادری رَضَوِی ضِیائی دَامَتْ بَـرَکاتُہُمُ الْعَالِیَہ حَرمَینِ طَیِّبَیْن کے پُرنورمناظرکی یادوں سے مالامال حسرت دِل میں لیے اپنے ایک کلام میں فرماتے ہیں:

حج کا سفر پھر اے مِرے مولیٰ نصیب ہو              عَرَفات کا مِنٰی کا نظارہ نصیب ہو

کعبے کے جلوؤں سے دِلِ مُضطرہو کاش!شاد               لطفِ طوافِ خانۂ کعبہ نصیب ہو

مکّے میں اُن کی جائے وِلادت پہ یا خدا                    پھر چشمِ اشکبار جمانا نصیب ہو

ہم جا کے خوب لَوٹیں مدینے کی دُھول پر         آنکھوں میں خاکِ طَیْبَہ لگانا نصیب ہو

(وسائلِ بخشش،مُرمّم،ص89،90)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

12مدنی کاموں میں سے ایک مدنی کام ’’ علاقائی دورہ برائے نیکی کی دعوت‘‘

        میٹھے میٹھے اسلامی  بھائیو!مُعاشرے میں پائی جانے والی طرح طرح کی ناجائز رُسُومات سے بچنے کا ذِہْن پانے کیلئے دعوتِ اسلامی کے مدنی ماحول سے وابستہ ہوجائیے اور نیکی کی دعوت  عام کرنے کیلئے 12مدنی کاموں  میں خُوب خُوب حصہ لیجئے ۔ذیلی حلقے کے 12مدنی کاموں میں سے ہفتہ وار ایک مدنی کام  ’’علاقائی دورہ برائے نیکی کی دعوت‘‘ میں بھرپُور شرکت کیجئے۔نیکی کی دعوت  دينا ايك ایسا اَہَم  کام  ہے کہ تمام ہی انبیائے کرام عَلَیْہِمُ الصَّلٰوۃُ وَالسَّلَام اورخودسیّدُالْانبیاء،محبوبِ خدا صَلَّی اللہُ تَعَالٰی عَلَیْہِ وَاٰلِہٖ وَسَلَّم کو بھی اسی مقصد کیلئے  دنیامیں بھیجا گیا، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے مختلف مُشکلات وتکالیف  برداشت