دو مَدَنی پھول:(۱)بِغیر اَچّھی نِیَّت کے کسی بھی عملِ خَیْر کا ثواب نہیں مِلتا۔

                       (۲)جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

       نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرَک کر دوسرے کے لئے جگہ کُشادہ کروں گا۔٭دھکّا وغیرہ لگا تو صبر کروں گا، گُھورنے،  جِھڑکنے اوراُلجھنے سے بچوں گا۔٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا۔٭ بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

مایوس نہ ہونے والا حاجی

       شیخِ طریقت،امیر اہلسنّت،بانیِ دعوتِ اِسْلامی حضرت علامہ مولانا اَبُو بلال محمّد اِلیاس عطّار قادری رَضَوِی ضِیائی دَامَتْ بَـرَکاتُہُمُ الْعَالِیَہ اپنی تصنیف”عاشقانِ رسول کی130حکایات مع مکے مدینے کی زیارتیں“کے صفحہ نمبر96 پر ایک اِیمان اَفْروز حِکایت نقل کرتے ہوئے اِرْشاد فرماتے ہیں:

       حضرت سیِّدُنامالک بن دِیناررَحْمَۃُ اللّٰہ ِتَعَالٰی عَلَیْہ فرماتے ہیں:میں مسلسل چودہ (14)سال تک حج کی عظیم سعادت سے سرفراز ہوتارہااور ہر سال ایک دَروَیْش کو خانۂ  کعبہ کا دَروازہ پکڑے دیکھا۔ جب وہ’’لَبَّیْکَ ^ط اَللّٰھُمَّ لَبَّیْکَ ط لَبَّیْکَ لَا شَرِیْکَ لَکَ لَبَّیْکَ ^ط اِنَّ الْحَمْدَ وَالنِّعْمَۃَ لَکَ وَلْمُلْکَ ط لَاشَرِیْکَ لَکَ ^ط ‘‘ کہتا تو غیب سے آواز سنائی دیتی”لَالَبَّیْکَ۔“میں نے چودھویں سال اس شخص سے پوچھا : اے دَرویش !