Apni Islah Ka Nuskha

تیسری بات یہ معلوم ہوئی!مشکل وقت میں نیکیاں ہمیشہ کام آتی ہیں،بلکہ نیکیوں کی برکت سے مشکل وقت میں بھی اللہ پاک کی مددشامل ہوتی ہے ،جب وہ نیک شخص گناہ سے چھٹکارا پانے کے لئے چھت (Roof)سے کُودا تو مَدَدِ اِلٰہی کی وجہ سے جانی ہلاکت و جسمانی مصیبت سے محفوظ رہا۔یقیناً یہ اُس کی نیکیوں کی برکت ہی تھی کہ مددِ الٰہی اُس کے شاملِ حال ہوئی۔

یہاں یہ بات ذہن نشین رہے! ہماری شریعت میں اپنے آپ کو ہلاکت میں ڈالنے کی اجازت نہیں ہے۔بہرحال ہمیں چاہیے کہ اپنے اعمال کا محاسبہ(Self Accountability) کرتے ہوئے خود کو گناہوں سے بچائیں اور کثرت سے نیک اعمال کریں۔

رزق میں برکت کا ایک ذریعہ!

چوتھی بات یہ بھی معلوم ہوئی!جو اللہپاک کے خوف کی وجہ سے گناہوں سے بچتا ہے، تو ربِّ رحمٰن اُسے ایسی جگہوں سے رزق عطا فرماتا ہے جس کی طرف گمان بھی نہیں جاسکتا۔قرآنِ پاک میں بھی اِسی بات کو بیان کیا گیا ہے، چنانچہ

پارہ28سُوْرَۃُالطَّلَاق کی آیت نمبر2اور3 میں اِرشاد ہوتا ہے:

وَ مَنْ یَّتَّقِ اللّٰهَ یَجْعَلْ لَّهٗ مَخْرَجًاۙ(۲) وَّ یَرْزُقْهُ مِنْ حَیْثُ لَا یَحْتَسِب

ترجَمۂ کنزالعرفان:اور جو اللہ سے ڈرے اللہ اُس کے لیے نکلنے کا راستہ بنادے گا۔

تفسیر صراطُ الجنان میں اِس آیتِ کریمہ کے تحت لکھاہے:اللہ(پاک)سے ڈرنےوالے کو اِس جگہ ایک بشارت(خوشخبری)دی جا رہی ہے کہ اللہ پاک اُسے وہاں سے روزی دے گا جہاں اُس کا گمان بھی نہ ہوگا۔

(صراط الجنان، ۱۰/۲۰۲)

معاشی پریشانیاں، آخر کیوں؟

Important

Mobile Apps

Contact Us