بھر کے اعمال کو سامنے رکھے تاکہ اُسے کمی بیشی کا علم ہوجائے،یہی مُحاسَبَہ ہے۔(احیاء العلوم،۵/۳۱۹)

غوروفکر کسے کہتے ہیں ؟

اَلْحَمْدُلِلّٰہامیرِاہلسنَّت دَامَتْ بَـرَکاتُہُمُ الْعَالِیَہ ہمیں اپنے اعمال کا محاسبہ کرنے کا ذہن دیتے رہتے ہیں، انسان کو چاہئے کہ اُخْرَوی اِعتبار سے اپنے معمولاتِ زندگی پر غور و فِکْر کرے،پھر جو کام اُس کی آخرت کیلئے نقصان دہ ثابت ہو سکتے ہوں، اُن کی اِصْلاح کی کوشش کرےاورجوکام اُخْرَوی اِعتبار سے فائدہ دینے والے نظر آئیں اُن میں بہتری کیلئے اِقْدامات  کرے۔اِستقامت کے ساتھ اپنے اعمال کا جائزہ لینے سے خوب خوب برکتیں حاصل ہوتی ہیں ،یہی وجہ ہے کہ بزرگانِ دِینرَحْمَۃُ اللہِ عَلَیْہمْ  اَجْمَعِیْن نہایت استقامت کے ساتھ اپنے اَعمال کا مُحاسَبہ کرتے تھے اور اِس سے کسی صورت بھی  غفلت اختیار نہ کرتے تھے۔آئیے!اِسی بارے میں بزرگانِ دِین رَحْمَۃُ اللہِ عَلَیْہمْ  اَجْمَعِیْن کے کچھ واقعات سُنتے ہیں، چنانچہ

اللہ پاک سے ڈرتے رہو! 

حضرت انس بن مالک رَضِیَ اللہُ عَنْہفرماتے ہیں :میں ایک باغ  میں  گیا تو وہاں امیرالمؤمنین حضرت عمر فاروقرَضِیَ اللہُ عَنْہکی آواز سُنی،ہم دونوں  کے درمیان ایک دِیوار حائل تھی اور وہ کہہ رہے تھے:عمر، خَطَّاب کا بیٹااور امیرالمؤمنین کا منصب!  واہ کیا خوب!اے عمر! اللّٰہ  پاک سے ڈرتے رہو ورنہ اللّٰہ پاک تمہیں  سخت عذاب دے گا۔

(تاریخ الخلفاء، عمر بن الخطاب رضی اللہ عنہ، فصل فی نبذ من سیرتہ، ص۱۰۲)

اے عاشقانِ صحابہ!غور کیجئے! امیرالمؤمنین حضرت عمر فاروقِ اعظم رَضِیَ اللہُ عَنْہ اللہ پاک کے پیارے حبیب صَلَّی اللہُ عَلَیْہِ واٰلِہٖ وَسَلَّمَ کے پیارے صحابی ہیں۔یہ وہی فاروقِ اعظم  ہیں جن کے سائے سے شیطان بھاگتا تھا۔(بخاری، کتاب فضائل اصحاب النبی،باب  مناقب عمر بن الخطاب، ۲/۵۲۶، حدیث: ۳۶۸۳مفہوماً)*جن کو حضور نبیِّ کریم صَلَّی اللہُ عَلَیْہِ واٰلِہٖ وَسَلَّمَ نےاپنی زبانِ مبارَک سےجنتی ہونےکی خوشخبری عطا فرمائی۔