فرض دے خو پۀ ورځ کښې 5 ځله، د هر يو نـمونځ بيل وخت مقرر دے * روژه د پيشمني نه شروع کيږي او پۀ روژه ماتې باندې مکمل کيږي * حج صرف پۀ ذُو الـحج شريف کښې ادا کيږي * د زکوٰة هم مقدار مقرر دے خو ذِکر هٰغه عبادت دے د کوم چې وخت هم مقرر نۀ دے او مقدار يـې هم مقرر نۀ دے بلکې فرمائي:

ی یٰۤاَیُّهَا الَّذِیْنَ اٰمَنُوا اذْكُرُوا اللّٰهَ ذِكْرًا كَثِیْرًاۙ(۴۱)(پارہ:22، سورۀ احزاب:41)

[مفهوم] ترجمهٴ کنزُ العِرفان: اے ایمان والؤ! الله ډير زيات يادوئ۔

دغه شان چې کله د درود او سلام نمبر راغلو نو نۀ د وخت قيد او نۀ مقدار مقرر شو بلکې فرمائي:

یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶) (پارہ:12،  سورۀ احزاب:56)

 [مفهوم] ترجمهٴ کنزُ العِرفان: اے ایمان والؤ! پۀ هغوئي باندې درود او ډير سلام اوليږئ۔

خوږ آقا صَلَّى اللهُ عَلَيْهِ وَاٰلِهٖ وَسَلَّم به پۀ کثرت سره ذِکر کولو

د مسلمانانو خوږه مور جانه سيده عائِشه صِدِّيقه رَضِىَ اللهُ عَـنْها فرمائي: كَانَ النَّبِيُّ صَلَّی اللہُ عَلَیْہِ وَ آلِہٖ وَ سَلَّم ‌يَذْكُرُ ‌اللهَ ‌عَلَى ‌كُلِّ ‌أَحْيَانِهِ يعنې خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم به پۀ هر حال کښې د الله ذِکر کولو۔^([1])