وفرمائيل: پان اينټي ذِکر او درود دے (يعنې د پان پۀ خُله کښې د کيښودو سره ذِکر نشي کيدے)، ځکه زۀ پان نۀ خورم۔

سُبْحٰنَ اللہ! د الله پاک د نيکانو بندګانو هم ځانګړې اداګانې وي۔ الله پاک دې مونږ ته هم توفيق راعطا کړي چې مونږ د فضولياتو نه بچ شو، ژبه د فضول خبرو نه بچ کړو، د پان وغيره عادت که وي نو د هغې نه نجات حاصل کړو او هر وخت پۀ ذِکرُ الله کښې د مصروفه اوسيدو عادت جوړ کړو۔

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔

د  اِمامِ اعظم رَحْمَةُ اللهِ عَلَيْه ذِکرِ خير

خوږو او محترمو اِسلامي وروڼو! پۀ دويم شعبان شريف د اِمامُ الاَئِمه، اِمامِ اعظم اِمام ابو حنيفه رَحْمَةُ اللهِ عَلَيْه عُرس مبارک دے، راځئ چې د برکت د پاره د هغوئي ذِکرِ خير هم واورو:

د  اِمامِ اعظم رَحْمَةُ اللهِ عَلَيْه مختصر تعارف

خوږو او محترمو اسلامي وروڼو! سِراجُ الاُمَّه (يعنې د اُمَّت روښانه نـمر)، اِمام الاَئِمَّه (يعنې د اِمامانو  اِمام) حضرت  اِمامِ اعظم ابو حنيفه رَحْمَةُ اللهِ عَلَيْه * نوم مبارک  نعمان، * د هغوئي د والد صاحب نوم: ثابِت او * کُنيت: ابو حنيفه دے، داسې د هغوئي پوره نوم: ابو حنيفه نعمان بن ثابت دے۔ اِمامِ اعظم رَحْمَةُ اللهِ عَلَيْه پۀ 70 هجرۍ کښې د عراق پۀ مشهور ښار کوفه کښې دنيا ته تشريف راوړلو او د 80 کالو پۀ عمر کښې پۀ دويم شَعبَانُ الـمُعَظَّم 150