جوړ کړو، زۀ به څلور منزله جوړووم * فلانکي يو ګاډے واخستو، زۀ به دوه اخلم * فلانکي يو کاروبار شروع کړو، زۀ به پۀ څلورو ځايونو کښې شروع کووم، داسې د يو بل نه مخکښې کيدو يو رَيس پۀ خوښه يا پۀ نا خوښه روان  دے۔ مونږ د يو بل نه د مخکښې کيدو پۀ کوشش کښې يو۔

خو پۀ حديثِ پاک باندې غور اوکړئ چې پۀ حقيقت کښې مخکښې کيدونکے، د نورو نه سبقت وړونکے څوک دے؟ فرمائي: یَا مُعَاذُ! اِنَّ السَّابِقِیْنَ الَّذِیْن یَسْتَہْتِرُوْنَ بِذِکْرِ اللہِ يعنې اے مُعَاذه! (پۀ حقيقت کښې) مخکښې کيدونکې خو هغه دي کوم چې د ذِکرُ الله ډير شوق لري۔ ^([1])

کاش چې زمونږ پۀ دې معامله کښې واقعي چې د نورو نه د مخکښې کيدو سعادت نصيب شي۔

د شعبان مياشت ” د نوي عملي کال“ مياشت

اَلْحَمْدُ لِلّٰہ! شعبان شريف تشريف راوړے دے، ډيره د فضيلت والا مياشت ده، د دې مياشت د فضيلت نه قربان شم! چې محبوبِ رحمان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم دې مقدسې مياشت ته خپله مياشت فرمائيلې ده، اِرشاد دے: شَعْبَانُ شَہْرِیْ و رَمْضَانُ شَہْرُ اللہِ يعنې شعبان زما مياشت ده او رمضان د الله پاک مياشت ده۔  ^([2])خوږو او محترمو اِسلامي وروڼو!