پۀ اَسونو باندې ناست صحابۀ کرام رَضِىَ اللهُ عَـنْهُم پۀ اَسونو زغلولو وړاندې لاړل، اوس دا بالکل عامه شان معامله وه، دلته هم داسې روزانه کيږي، هم دغه شان کيږي، مونږ عام طور ګاډے چلوو، که نۀ يـې چلوو نو پۀ ګاډو کښې خو سفر کوو، پۀ سړک باندې څومره ګاډي وي، مونږ ښه پۀ قلار روان يو، ګاډے مو پۀ خوا يو شغ اوکړي او تير شي۔ خبره پۀ ظاهره ډيره معمولي شان ده خو محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم دا پۀ ظاهره معمولي خبره هم د اخرت د فِکر طرف ته وګرځوله، د حضرت مُعَاذ رَضِىَ اللهُ عَـنْهُ او د هغوئي پۀ وسيله يـې زمونږ د ګنهګارانو هم تربيت اوکړو چې اے مُعَاذه۔۔۔!! لکه څنګه چې نن دا خلق پۀ اَسونو زغلولو وړاندې لاړل، اوس پۀ نظر هم نۀ راځي، د قيامت پۀ ورځ به هم داسې کيږي، ډير خلق به وي کوم چې به پۀ دومره تيزۍ سره د نورو نه ډير مخکښې لاړ شي او زر به جَنَّت ته ورسيږي، دا پۀ حقيقت کښې مخکښې تلونکي دي او دا شان به د هٰغه خوش قِسمتو وي کوم چې د ذِکرُ الله ډير شوق لرونکي دي۔ سُبْحٰنَ اللہ۔۔۔!!

مونږ او زمونږ شوق

زمونږ پۀ شان د عامو خلقو يوه نفسياتي مسئله ده، مونږ خلق ريس  ډير لګوو، پۀ عربۍ کښې دې ته مُسَابَقَه وئيلے کيږي يعنې د يو بل نه د مخکښې  کيدو کوشش کول۔

تاسو پۀ معاشره باندې غور اوکړئ چې يو قِسم له د مخکښې کيدو رَيس لګيدلے دے * فلانکي ګران موبائل واخستو، زۀ به هم ګران موبائل اخلم * فلانکي د 5 زره روپو والا جامې اغوستې دي، زۀ به د 10 زره والا اغوندم * فلانکي دوه منزله کور