Book Name:Zikr ul Allah Ke 40 Faide
اَللہُ اَکْبَر! خوږو او محترمو اِسلامي وروڼو! معلومه شوه چې اِنسان ناست وي نو بيا هم د الله پاک ذِکر کوي، چې ګرځي نو بيا هم ذِکر کوي، چې پاڅي نو بيا هم ذِکر کوي، چې سملي نو بيا هم ذِکر کوي، بس پۀ هر حالت کښې د الله پاک ذِکر کول د مؤمِن بنده شان دے۔
يو ځل د سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم پۀ خِدمت کښې يو صحابي رَضِىَ اللهُ عَـنْهُ حاضر شو او عرض يـې اوکړو: اِنَّ شَرَائِعَ الْاِسْلَامِ قَدْ کَثُرَتْ عَلَیَّ يعنې يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! بے شکه چې د اِسلام حکمونه پۀ ما باندې زيات شو، څۀ داسې عمل راته اِرشاد کړئ! چې زۀ يې مضبوط ونيسم۔ د الله پاک اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم وفرمائيل: لَایَزَالُ لِسَانُکَ رَطْبًا مِّنْ ذِکْرِ اللّٰہِ عَزَّوَ جَلَّ يعنې ستا ژبه دې هميشه د الله پاک پۀ ذِکر باندې لـمده وي۔ ([1])
د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې حديثِ پاک پۀ شرح کښې فرمائي: غالباً چې د سائِل (يعنې د پوښتنه کوونکي صحابي رَضِىَ اللهُ عَـنْهُ) پوښتنه د نفلونو پۀ باره کښې وه (چې يا رَسُولَ الله صَلَّى اللهُ عَلَيْهِ وَاٰلِهٖ وَسَلَّم نفلي عبادتونه ډير زيات دي، پۀ دې کښې راته څۀ يو عبادت وښايئ چې زۀ يې مضبوط ونيسم)، پۀ دې باندې خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم دا جواب ورکړو، مقصد دا دے چې هر