Book Name:Zikr ul Allah Ke 40 Faide
يعنې دا فضيلت مخکښې يو اُمت ته هم نۀ دے عطا کړے شوے چې هغوئي د الله پاک ذِکر اوکړي نو الله پاک د هغوئي ذِکر وفرمائي، دا صرف او صرف د اُمت مسلمه شان دے چې مونږ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم غلامان د الله ذِکر کوو نو الله پاک زمونږ ذِکر فرمائي۔
سُبْحٰنَ اللہ! خوږو او محترمو اِسلامي وروڼو! هسې خو د ذِکرُ الله بے شميره فضيلتونه دي، خو د يو ساعت د پاره لږ غور اوکړئ چې فرض کړئ که د الله د ذِکر نور څۀ فضيلت نۀ وو نو هم دا يو فضيلت څومره لوئي دے۔۔۔!! چې څوک چې د الله پاک ذِکر کوي، الله پاک د هغۀ ذِکر فرمائي۔
پير مهر علي شاه صاحب رَحْمَةُ اللهِ عَلَيْه کوم چې د اوچتې مرتبې عالمِ دِين، سيد او ډير لوئي ولئ کامِل دے، هغوئي به هر کال د بابا فريد رَحْمَةُ اللهِ عَلَيْه مزار ته حاضري کوله، يو ځل هغوئي پاکپتن ته تشريف يوړلو نو يو خرابې عقيدې والا ترينه پوښتنه اوکړه: تاسو عالِمِ دِين يـۍ، تاسو هم مزارونو له ځۍ؟ پير مهر علي شاه صاحب رَحْمَةُ اللهِ عَلَيْه وفرمائيل: زۀ دلته د قرآني آيت تفسير پۀ سترګو د ليدلو د پاره راځم۔ هٰغه د خرابې عقيدې والا ترينه پۀ حيرانتيا سره پوښتنه اوکړه: د کوم يو آيت تفسير؟ اوئې فرمائيل: د الله پاک فرمان دے:
فَاذْكُرُوْنِیْۤ اَذْكُرْكُمْ(پارہ:2، سورۀ بقرہ:152)
[مفهوم] ترجمهٴ کنزُ العِرفان: نو تاسو ما ياد کړئ، زۀ به تاسو ياد کړم۔
بابا فريد رَحْمَةُ اللهِ عَلَيْه هٰغه هستي ده، چا چې ټول عمر د الله پاک پۀ ذِکر کولو تير