قَالَ اللہ تَبَارَکَ وَ تَعَالٰی فِی الْقُرْآنِ الْکَرِیْم(اللہ پاک قرآنِ کریم میں فرماتا ہے):

فَاَوْحٰۤى اِلٰى عَبْدِهٖ مَاۤ اَوْحٰىؕ(۱۰) (پارہ:27، سورۂ نجم:10)

صَدَقَ اللہ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم

تَرْجمۂ کَنْزُالعِرْفان: پھر اس نے اپنے بندے کو وحی فرمائی جو اس نے وحی فرمائی۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو!مِعْراج ہمارے آقا و مولیٰ، مکی مَدَنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  کا عظیمُ الشَّان،نِرالا اور حیران کر دینے والا مُعْجِزَہ ہے۔ آپ  صَلَّی اللہ عَلَیْہِ وَ آلِہٖ وَ سَلَّم   مکہ پاک سے چلے،  مسجدِ اَقْصیٰ پہنچے، پھر ساتوں آسمانوں اور جنّت کی سیر،جہنّم کے مُشاہدات اور سب سے اَہَم یہ کہ  رَبِّ کائنات کا جاگتی آنکھوں سے دیدار کر کے رات ہی رات میں واپس تشریف لے آئے، ابھی بستر مبارَک گرم تھا، کُنْڈی  ہِل رہی تھی اور وُضُو کا پانی ابھی بہہ رہا تھا۔

اللہ پاک رحمتیں نازِل فرمائے اعلیٰ حضرت  رَحمۃُ اللہ علیہ    پر،آپ نے بڑی خوبصُورت بات کہی، فرماتے ہیں:

عرش کی عقل دَنگ ہے، چَرْخ میں آسمان ہے

جانِ مُراد اب کِدھر ہائے تِرا مکان ہے

شانِ خُدا نہ ساتھ دے، اُن کے خِرام کا وہ باز

سِدْرَہ     سے       تا     زمیں       جسے       نرم       سی       اِکْ       اُڑان       ہے^([1])

وضاحت: (معجزۂ مِعْراج فلسفیوں کی سمجھ میں تو کہاں آئے گا، یہ تو وہ مبارک معجزہ ہے کہ )عرش