Book Name:Farishton Ki Duain Lijiye
راځئ چې د بيان اوريدو نه مخكښې څۀ ښۀ ښۀ نِيَّتونه وكړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم.
صَلُّوا عَلَی الْحَبِیب صَلَّی اللهُ علٰی مُحَمَّد
فرښتے ورته دُعا وښودله
حضرت عِرباض بن سَارِيَه رَضِىَ اللهُ عَـنْهُ صحابئ رسول دے. اِمام اِبنِ اَبِي دُنيا رَحْمَةُ اللهِ عَلَيْه روايت ذِکر کړے دے، ليکلي يـې دي چې حضرت عِرباض رَضِىَ اللهُ عَـنْهُ د الله پاک سره د ملاقات ډير شوق لرلو. هغوئي د ضعيفۍ عمر ته رسيدلے وو. يوه ورځ د دِمشق پۀ جامع مسجد کښې وو، نـمونځ يـې اوکړو، بيا يـې دُعا شروع کړه: يا الله پاکه! اوس خو زۀ بوډا والي ته رسيدلے يم، اوس خو راته پۀ خپله پاکه بارګاه کښې د حاضرۍ سعادت راعطا کړې.
فرمائي: بيا ما يو ځوان وليدو، ډير ښائسته وو، شين څادر يـې اچولے وو او زما خوا له راغلو، اوئې وئيل: حضرت...!! دا تاسو څۀ دُعا کوئ؟ ما ووئيل: نو تۀ راته ووايه چې څنګه دُعا اوکړم...؟ هغه ووئيل: داسې ووايه!
اَللّٰهُمَّ حَسِّنِ الْعَمَلَ وَبَلِّغِ الْاَجَلَ
ترجمه: يعنې اے الله پاکه ما ته د نيک اعمالو توفيق هم راکړې او پۀ نيک اعمال کولو کولو مې د مرګ مقرر کړے شوي وخت ته ورسوې.
صحابئ رسول حضرت عِرباض رَضِىَ اللهُ عَـنْهُ فرمائي: ما د هٰغه ځوان نه پوښتنه اوکړه: الله پاک دې پۀ تا باندې رحم اوکړي، تۀ څوک يـې؟ هغۀ ووئيل: زۀ زَنَائِيل (Zana'il) فرښته يم، د کومو مسلمانانو پۀ زړۀ کښې چې غم وي، زۀ هغوئي له تسلي