Book Name:Farishton Ki Duain Lijiye
سُبْحٰنَ اللہ! حامِلينِ عَرش يعنې عرش اوچتوونکې فرښتے...!! دا ډيرې د فضيلت والا فرښتے دي، دا مقدسې فرښتے د مسلمانانو د بخښنې دُعاګانې کوي، د چا د پاره دعاګانې کوي؟ فرمائي:
لِلَّذِیْنَ تَابُوْا وَ اتَّبَعُوْا سَبِیْلَكَ [مفهوم]
ترجمهٴ کنزُ العِرفان: کوم چې توبه اوکړي او ستا د لارې تابعداري اوکړي.
يعنې څوک چي د الله پاک پۀ حضور کښې توبه کوي او د الله پاک پۀ ښودلے شوې لاره باندې ځي، حامِلينِ عرش د هغوئي د پاره دعاګانې کوي: يا الله پاکه! هغوئي وبخښې او هغوئي د دوزخ د عذاب نه هم بچ کړې.
سُبْحٰنَ اللہ! معلومه شوه چې د حامِلين عرش فرښتو د دعاګانو اخستو طريقه دا ده چې مونږ توبه کړو.
خوږو او محترمو اِسلامي وروڼو! مونږ له توبه کول پکار دي، توبه بهترين بلکې د الله پاک محبوب جوړونکے عبادت دے. الله پاک پۀ قرآنِ کريم کښې فرمائي:
اِنَّ اللّٰهَ یُحِبُّ التَّوَّابِیْنَ
(پارہ:2، سورۀ بقرة :222) [مفهوم]
ترجمهٴ کنزُ العِرفان: بے شکه الله د ډيرې توبې کوونکو سره محبت فرمائي.
معلومه شوه چې کوم بنده پۀ کثرت سره توبه کوي، الله پاک هغه خپل محبوب جوړوي.
اَللہُ اَکْبَر! وګورئ چې دا څومره اوچت شان دے، د الله پاک محبوب يعنې خوښ بنده جوړيدل څۀ اسان کار خو نۀ دے، دا څۀ معمولي مرتبه خو نۀ ده، الله پاک د ټولو جهانونو رَبّ دے، د ټولو جهانونو خالق دے، څوک چې د دې کريم مالِک خوښ شي، د هغۀ سره د څۀ کمے پاتې کيږي...؟ صوفيائے کرام فرمائي: مَنْ لَہُ الْمَوْلیٰ فَلَہُ الْکُلّ څوک چې د