د فرښتو دُعاګانې واخلئ

الله پاک پۀ قرآنِ کريم کښې فرمائي:

وَ لَقَدْ عَلِمْنَا الْمُسْتَقْدِمِیْنَ مِنْكُمْ

(پارہ:14، سورۀ حِجْر:24) [مفهوم]

ترجمهٴ کنزُ العِرفان: او بے شکه مونږه پۀ تاسو کښې مخکښې کيدونکي هُم پيژنو.

د يو روايت مطابق پۀ دې آيت کښې د مُستَقْدِمِين (يعنې د مخکښي کيدونکو) نه مُراد پۀ وړومبي صف کښې نـمونځ کوونکي دي. د حضرت عبد الله بن عباس رَضِىَ اللهُ عَـنْهما نه روايت دے چې خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم يو ځل د جَمعې سره پۀ وړومبي صف کښې د کيدونکي نـمونځ فضيلتونه بيان کړل نو صحابۀ کرامو رَضِىَ اللهُ عَـنْهُم د وړومبي صف حاصلولو ډير کوشش شروع کړو او د هغوئي ګڼه جوړه شوه او د کومو کسانو کورونه چې د جومات مبارک نه لرې وو هغوئي د خپلو کورونو د خرڅولو او د جومات سره پۀ خوا کښې کور اخستو ته تيار شول د پاره د دې چې پۀ وړومبي صف کښې د ځائے ميلاؤيدو نه چرې هم محرومه پاتې نۀ شي. پۀ دې باندې دا آيت مبارک نازل شو او هغوئي له تسلي ورکړے شوه چې ثواب پۀ نيتونو باندې دے او الله پاک وړومبني هم پيژني او څوک چې د عذر پۀ وجه وروستو پاتې شول هغوئي هم پيژني او د هغوئي د نيتونو نه هم خبر دے او د هغۀ نه هيڅ پټ نۀ دي.^{(^[1])}

سُبْحٰنَ اللہ! څومره ښکلے شان دے د صحابۀ کرامو رَضِىَ اللهُ عَـنْهُم. د عبادت جذبې ته وګورئ! د وړومبي صف د ثواب موندلو د پاره دا هستيانې د خپلو کورونو خرڅولو او د جومات سره نزدې کورونو اخستو ته تيار شول د پاره د دې چې تادي اوکړي او پۀ تادۍ تادۍ جومات ته لاړ شي او پۀ وړومبي صف موندلو کښې کامياب شي...!!

[1]...تفسیر صراط الجنان، پارہ:14، سورۂ حِجْر، زیرِ آیت:24، جلد:5، صفحہ:223۔

Important

Mobile Apps

Contact Us