د فرښتو دُعاګانې واخلئ

خوږو او محترمو اِسلامي وروڼو! د فرښتو د دعاګانو اخستو نورې هم ډيرې طريقې دي، مختصر پکښې يو څو عرض کووم: * د حديثونو مبارکو مطابق څوک چې د سحر نـمونځ اوکړي، بيا هلته کښيني، فرښتے د هغۀ د بخښنې او د رحمت دعاګانې کوي^{(^[1])} *څوک چې د نـمونځ پۀ انتظار کښې ناست وي، فرښتے د هغۀ د پاره هم دعاګانې کوي^{(^[2])} * څوک چې پۀ نـمونځ کښې پۀ صفونو کښې جُخت ودريږي، فرښتے د هغوئي د پاره هم دعاګانې کوي * څوک چې خلقو ته د نيکۍ خبرې ښائي (مثلاً د نيکۍ دعوت ورکوي، د اودس، نـمونځ او روژې وغيره احکام چا ته ښائي، د قرآن اوريدو بيانولو حلقه لګوي او د قرآنِ کريم خبرې بيانوي، د فيضانِ سُنَّت پۀ دَرس ورکولو عِلمِ دِين عام کوي)، د هغۀ د پاره يواځې فرښتے نۀ بلکې د زمکې او د اسمان ټول مخلوق د دې پورې چې ميږان پۀ خپلو سوړو کښې ، د هغۀ د پاره دعاګانې کوي^{(^[3])} * داسې چې څوک پۀ اودس کښې څملي، يوه فرښته د هغۀ سره پۀ خوا کښې اوسي او د هغه د پاره دعاګانې کوي.^{(^[4])}

خوږو او محترمو اِسلامي وروڼو! غور اوکړئ چې دا څومره اسان اسان کارونه دي، فضيلت يـې څۀ دے؟ کوم بنده چې دا اسانې اسانې نيکۍ کوي، فرښتے د هغۀ د پاره د مغفرت او بخښنې او د رحمت دعاګانې کوي. الله پاک دې مونږ ته د دې نيک کارونو توفيق راعطا کړي، کاش چې مونږ د فرښتو د دعاګانو اخستو والا جوړ شو.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.

[1]... مسند احمد، جلد:1، صفحہ:407، حدیث:1264۔

[2]...مسلم، کتاب المساجد و مواضع الصلاۃ، باب فضل صلاۃ الجماعۃ...الخ، صفحہ:240، حدیث:649۔

[3]... ابن ماجہ، کتاب اقامۃ الصلاۃ و السنۃ فیہا، باب اقامۃ الصفوف، صفحہ:163، حدیث:995۔

[4]... الزہد لابن مبارک، الجزء العاشر، صفحہ:354، حدیث:1244۔

Important

Mobile Apps

Contact Us