دعاګانې کوي. تاسو به وايۍ چې دا فضيلت خو به مونږه پۀ رَمَضَانُ المُبَارَک کښې حاصلوو. آؤ جي! پۀ رَمَضَانُ المُبَارَک کښې ضرور حاصلول دي. د دې سره سره د رجب شريف مياشت هم راروانه ده. سُبْحٰنَ اللہ! عاشقِ رمضان اميرِ اهلِسُنَّت دَامَتْ بَرَکَاتُہُمُ الْعَالِیَه رجب شريف ته د رَمَضَانُ المُبَارَک پاټک فرمائي، يعنې چې رجب شريف کله راشي نو بيا د رَمَضَانُ المُبَارَک راتګ رانزدې شو.

خير! د رَمَضَانُ المُبَارَک روژې خو فرض دي، هغه خو مونږ ته هسې هم نيول دي، ورسره ورسره د رجب او د شعبان نفلي روژې هم نيول پکار دي.

خوږ آقا صَلَّى اللهُ عَلَيْهِ وَاٰلِهٖ وَسَلَّم به د رجب روژې نيولې

حضرت عُروَه بن زبير رَحْمَةُ اللهِ عَلَيْه د حضرت عبد الله بن عمر رَضِىَ اللهُ عَـنْهما نه پوښتنه اوکړه: آيا د الله پاک نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم به پۀ رجب شريف کښې روژې نيولې؟ اوئې فرمائيل: آؤ! (روژې به يـې هم نيولې) او دې له به اهميت هم ورکولو. ^([1])

څۀ چې غواړې در عطا کولے کيږي به

عارِف بِالله شيخ ضياءُ الدِّين دَيرِيني رَحْمَةُ اللهِ عَلَيْه فرمائي: پۀ روايتونو کښې دي چې * چا د رَجَب 7 روژې ونيولې، د هغۀ د پاره د دوزخ دروازے بندولے شي * څوک چې د رَجَب شريف 10 روژې ونيسي، هغه چې د الله پاک نه څۀ غواړي الله پاک يـې هغۀ ته عطا کوي * او بے شکه پۀ جَنَّت کښې يو محل دے، د هٰغه محل پۀ مخکښې دا دُنيا د مرغۍ د جالې پۀ شان ده، هٰغه محل ته به صرف هغه داخليږي چا چې پۀ رَجَب کښې روژې نيولې وي. ^([2])