Book Name:Farishton Ki Duain Lijiye
د نـمونځ پۀ ځائے کښې ناست اوسئ...!!
خوږو او محترمو اِسلامي وروڼو! د فرښتو د دُعاګانو موندلو بله طريقه واورئ! د مُسلِم شريف حديثِ پاک دے، د حضرت ابو هريره رَضِىَ اللهُ عَـنْهُ نه روايت دے، رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: بے شکه بنده چې تر څو پورې خپل (د نـمونځ) پۀ ځائے باندې ناست اوسي چرته چې هغۀ نمونځ کړے وي، نو تر څو پورې چې د هغۀ اودس مات نۀ شي فرښتے پۀ هغۀ باندې درود ليږي، فرښتے وائي: اَللّٰهُمَّ اغْفِرْ لَهُ، اَللّٰهُمَّ ارْحَمْهُ اے الله پاکه! دا وبخښې، اے کريم مالِکه! پۀ دۀ باندې رحم اوکړې.([1])
خوږو او محترمو اِسلامي وروڼو! وګورئ چې د فرښتو د طرف نه د رحمت او د بخښنې د دعاګانو موندلو اسانه نُسخه ده. مونږ چې پۀ کوم ځائے کښې نـمونځ اوکړو، که پۀ جومات کښې يـې وکړو، که په کور کښې يـې دا کړو، چې کله هُم، چرته هُم نمونځ وکړو، د څۀ وخت د پاره هلته کښيناستل پکار دي! چې کښينو او تسبيحِ فاطمه لولو! آية الکُرسي لولو! قُل شريف لولو! درودِ پاک لولو! که خاموشه هم ناست يو، تر څو پورې چې هلته ناست يو نو فرښتے به زمونږ د پاره د بخښنې او رحمت دعاګانې کوي.
ياد ساتئ چې فرض نمونځ د جَمعې سره کول واجب دي، که د شرعي مجبورئ په وجه چا فرض نمونځ په کور کښې وکړو او په مُصلّه باندې تر څو پورې ناست اوسي نو اِنْ شَآءَ اللہ د هغۀ به هُم د فرښتو دعاګانې نصيب شي.([2])
د مسلمانانو د څلورم خليفه حضرت علي المُرتضیٰ، شير خُدا رَضِىَ اللهُ عَـنْهُ نه