آنکھوں  کے درمیان لکھ دے گا کہ یہ شخص  نِفاق اور جَہَنَّم کی آگ سے آزاد ہے اور اُسے بروزِ قیامت شہیدوں کے ساتھ رکھے گا ۔ (معجم اوسط،من اسمہ محمد،۵/۲۵۲،حدیث:۷۲۳۵)

صَلُّوْا عَلَی الْحَبِیْب!                                                                              صَلَّی اللّٰہُ عَلٰی مُحَمّد

بَیان سُننے کی نیّتیں

فرمانِ مصطفےٰ صَلّی اللہ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

 دنیا  کو دنیاکیوں کہتے ہیں؟

شیخِ طریقت،امیرِ اہلسُنَّت،بانیِ دعوتِ اسلامی حضرت علامہ مولانا  محمد الیاس عطار قادِرِی رَضَوِی ضِیائی  دَامَتْ بَرَکاتُہُمُ الْعَالِیَہ اپنی کتاب”نیکی کی دعوت“کے صفحہ نمبر260 پر نقل فرماتے ہیں:دُنیا کالُغْوِی معنیٰ(Meaning)ہے:’’قریب‘‘اور دُنیاکو دُنیا اِس لئے کہتے ہیں کہ یہ آخرت کے مقابلے میں انسان کے زیادہ قریب ہے یا اس وجہ سے کہ یہ اپنی خواہشات ولذّات کے سبب دل کے زیادہ قریب ہے۔(حدیقہ ندیۃ،۱ /۱۷)