Book Name:Fazail o Ausaaf Siddiq e Akbar رَضِیَ اللہ عنہ
کی بَرَکَت سے ہی ہماری بخشش و مغفرت ہو جائے۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد
پیارے اسلامی بھائیو!جُمَادَی الْاُخْریٰ(یعنی ابھی جو اسلامی مہینا اپنی برکتیں لُٹا رہا ہے، اس ) کی 22 تاریخ کو یومِ صِدِّیقِ اکبر منایا جاتا ہے،اسی مُناسبت سے آج ہم حضرت صِدِّیقِ اکبر رَضِیَ اللہ عنہ کے فضائل اور چند اعلیٰ اَوْصاف سننے کی سَعَادت حاصِل کریں گے۔ اللہ پاک ہم سب کو تمام صحابہ و اَہْلِ بیت بالخصوص حضرت صِدِّیقِ اکبر رَضِیَ اللہ عنہ سے سچّی پکی مُحَبَّت کرنے، آپ کی سیرت سے روشنی لے کر اپنے اَخْلاق و کردار سنوارنے کی توفیق عطا فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم ۔
صِدِّیقِ اکبر رَضِیَ اللہ عنہ کا مختصر تعارف
*حضرت صِدِّیق ِ اکبر رَضِیَ اللہ عنہ بہت بلند رُتبہ صحابی ہیں *آپ کا نامِ پاک: عَبْدُ اللہ۔ کنیت: اَبُوبَکْر اور صِدِّق و عَتِیق آپ کے مشہور لقب ہیں *آپ بالغ مَردَوں میں پہلے مسلمان *پہلے صحابئ رسول *پیارے آقا، مکی مَدَنی مصطفےٰ صَلَّی اللہ عَلَیْہِ وَآلِہٖ وَسَلَّم کے اَوَّلِیْن دوست *پہلے خطیبِ اسلام *پہلے مُبَلِّغِ اسلام (یعنی دِین کی تبلیغ فرمانے والے) *پہلے مُعِیْنُ الدِّین (یعنی دِین کے لئے مالی و جانی مدد کرنے والے) *پہلے بانئ مسجد (یعنی اسلام میں سب سے پہلے مسجدِ بیت بنانے والے) *پیارے آقا، مکی مَدَنی مصطفےٰ صَلَّی اللہ عَلَیْہِ وَآلِہٖ وَسَلَّم کے وزیرِ خاص، *فرشتوں کی گفتگو سننے والے *امامُ الانبیا صَلَّی اللہ عَلَیْہِ وَآلِہٖ وَسَلَّم کی ظاہِری زندگی ہی میں نَمازوں کی اِمامت فرمانے والے *اللہ پاک، جبریلِ امین اور محبوبِ خُدا صَلَّی اللہ عَلَیْہِ وَآلِہٖ وَسَلَّم سے صِدِّیق لقب پانے والے *مسلمانوں کے پہلے خلیفہ اور جانشینِ مصطفےٰ ہیں *حضرت ابو بکر صِدِّیق رَضِیَ