Narmi Kaesay Paida Karen?

Al Quran Books Madani Channel

Magazine Courses Media

صَلُّوْا عَلَی الْحَبِیْب! صَلَّی اللہ عَلٰی مُحَمّد

پیارے اسلامی بھائیو! ہمیں چاہیے کہ جب کسی کو نیکی کی دعوت دینے کا موقع ملے تو شفقت ومَحَبَّت اور نرمی کے ساتھ دعوت پیش کریں ،اس انداز سے نیکی کی دعوت دینے کی بَرَکت سے اِنْ شَآءَ اللہ ہماری بات میں اثر بھی پیدا ہو گا اور ہم جسے نصیحت کر رہے ہیں وہ ہماری بات توجہ سے سُن کر عمل کی کوشش بھی کرے گا۔قرآنِ پاک میں اللہ پاک نے نبیِّ کریم صَلَّی اللہ عَلَیْہِ وَاٰلِہٖ وَسَلَّم کے دل کی نرمی کو اپنی رحمت قرار دیا ہے، چنانچہ

پارہ 4سُوْرَۂ اٰلِ عِمْرَان کی آیت نمبر 159 میں اللہ پاک ارشاد فرماتا ہے :

فَبِمَا رَحْمَةٍ مِّنَ اللّٰهِ لِنْتَ لَهُمْۚ-

(پ۴،آل عمران:۱۵۹)

ترجمۂ کنزالعرفان:تو اے حبیب! اللہ کی کتنی بڑی مہربانی ہے کہ آپ ان کے لئے نرم دل ہیں

اس آیت میں رسولِ اکرم صَلَّی اللہ عَلَیْہِ وَاٰلِہٖ وَسَلَّم کے پیارے اَخلاق(Manners) کا بیان کیا جارہا ہے، چنانچہ ارشاد فرمایا:اے حبیب! اللہ پاک کی آپ پر کتنی بڑی رحمت ہے کہ اس نے آپ کو نرم دل، شفقت فرمانے والا اور رحم و کرم فرمانے والا بنایا اور آپ صَلَّی اللہ عَلَیْہِ وَاٰلِہٖ وَسَلَّم کے مزاج میں اتنا زیادہ لُطف و کرم(پیدافرمایا) اور شفقت و رحمت پیدا فرمائی کہ غزوۂ اُحد کے دن آپ صَلَّی اللہ عَلَیْہِ وَاٰلِہٖ وَسَلَّم نے غُصّہ کا اظہار نہ فرمایا حالانکہ آپکو اس دن بہت زیادہ تکلیف پہنچی تھی اور اگرآپ صَلَّی اللہ عَلَیْہِ وَاٰلِہٖ وَسَلَّم سخت مزاج ہوتے اور لوگوں سےمیل جول میں سختی سے کام لیتے تو یہ لوگ آپ سے دُور ہوجاتے۔ اے حبیب ! آپ ان کی غلطیوں کومعاف کردیں اور ان کیلئے دعائے مغفرت فرمادیں تاکہ آپ صَلَّی اللہ عَلَیْہِ واٰلِہٖ وَسَلَّمَ کی سفارش پر اللہ پاک بھی انہیں معاف فرمادے۔

Important

Mobile Apps

Contact Us